जवरजस्ती करणी अभियोगमा दुई प्रशिक्षक पक्राउ

काेसिस न्यूज ३ वर्ष अगाडि ३ वर्ष अगाडि

विराटनगर । जबर्जस्ती करणी गरेको आरोपमा कराते प्रशिक्षक विनोद राउत र सुरज सुवेदी पक्राउ परेका छन् । उनीहरु दुवैलाई लाई मोरङ प्रहरीले नियन्त्रणमा लिएको हो । राउत र सुवेदी मोरङ करातेका स्थायी सहायक प्रशिक्षक हुन् ।
सुनसरी घर भई हाल विराटनगरको एक नर्सिङ कलेजमा अध्ययनरत छात्रालाई राउत र सुवेदीले पटकपटक जबर्जस्ती करणी गरेको छात्राले जाहेरी दिएपछि उनीहरुलाई नियन्त्रणमा लिई जिल्ला अदालतबाट म्याद थप गरेर अनुसन्धान सुरु गरेको मोरङ प्रहरी प्रमुख एसपी शान्तिराज कोइरालाले बताएका छन् । पीडित छात्राले आइतबार आफूलाई राउत र सुवेदीले पटकपटक जबर्जस्ती करणी गरेको उल्लेख गर्दै जाहेरी दिएकी थिईन ।

राउत र सुवेदीले पिडित छात्रालाई पटकपटक होटलमा लगेर जबर्जस्ती करणी गर्दै भिडियो समेत खिचेको र उक्त भिडियो सार्वजनिक गर्ने धम्की दिने गरेको स्रोतको भनाइ छ । तर जाहेरीमा भिडियोबारे उल्लेख नभएको मोरङ प्रहरी प्रवक्ता डिएसपी दिपक श्रेष्ठले बताएका छन् ।

क्याटेगोरी : खेलकुद, समाचार