म्यादी प्रहरीमा अावेदन दिनेकाे भिड, रामेछापमा एकैदिन ३५९ ले दिए अावेदन

काेसिस न्यूज ४ वर्ष अगाडि ४ वर्ष अगाडि

निजुका खड्का ।

रामेछाप – जिल्ला प्रहरी कार्यालय रामेछापमा म्यादी प्रहरीमा अावेदन फारम भर्नेकाे भिड लागेकाे छ । अाइतबार एकैदिन ३६९ जनाले म्यादी प्रहरीमा अावेदन बुझाएका छन् ।

अाअागामी वैशाख ३० गते हुने भनिएकाे स्थानीय तहको निर्वाचनका लागि प्रहरी प्रधान कार्यालय, नक्सालले रामेछाप जिल्लाकाे लागि ७८४ म्यादी प्रहरी माग गरेकाे छ । उक्त मागका लागि अाज पहिलाे दिन नै महिला ५५ जना सहित ३६९ जनाले अावेदन दिएकाे जिल्ला प्रहरी कार्यालय रामेछापले जानकारी दिएकाे छ ।
आवेदन दिने मिति चैत ६ गते देखी ११ सम्म रहेको छ । जिल्ला प्रहरी कार्यालयमा १८ वर्ष पूरा भएका र ५४ वर्ष ननाघेका नागरिकले म्यादी प्रहरीमा भर्नाका लागि आवेदन दिन सकिने प्रहरी प्रधान कार्यालयले जनाएको छ ।

छनोट भएका म्यादी प्रहरीलाई ७ दिन तालिम दिएर खटाउने सरकारको तयारी छ । म्यादी प्रहरीले, प्रहरी जवानसरह सुविधा पाउने छन् भने दिनको ७५६ रुपैयाँका दरले तलब पाउँने छन् । ४० दिनको ७ हजार रुपैयाँ रासन भत्ता, पोसाक भत्ता ६ हजार र एक हजार रुपैयाँ यातायात खर्च उपलब्ध गराइने बताइएको छ ।

क्याटेगोरी : समाचार, समाज