भलिबल प्रतियोगितामा गोठपानी बचत प्रथम

काेसिस न्यूज कात्तिक १८, २०७८ १:५१ pm

रामेछाप । नेपाल तरुण दल रामेछाप नगरपालिका १ वडा समिति गोठगाउंद्वारा विजया दशमी र दिपावलीको अवसरमा आयोजित भलिबल प्रतियोगिता बिहिबार सम्पन्न भएको छ ।
बिहिबार भएको फाईनल प्रतिस्पर्धामा गोठपानी बचत तथा ऋण सहकारी संस्थाले नेपाल तरुण दल गोठगाउँ इकाईलाई पराजित गरी प्रथम स्थान हासिल गरेको छ । प्रतियोगितामा साविक गोठगाउँ ८ ले तृतिय स्थान प्राप्त गरेको छ ।
प्रतियोगिताको समापन समारोहमा नेपाली काँग्रेस रामेछापका जिल्ला सचिव दिपक खड्का, प्रदेश क का सभापति निरोजकुमार खड्का, जिल्ला कार्य समितिका सदस्य हिमाल ढुंगेल लगाएतले विजयी टिम तथा खेलाडीलाई शिल्ड पुरस्कार र प्रमाण पत्र वितरण गरेका छन् ।
प्रतियोगितामा प्रथम हुनेलाई २५ हजार, द्धितियलाई १५ हजार , तृतियलाई १० हजार र सान्त्वना स्थान प्राप्त गर्नेलाई ५ हजार पुरस्कार वितरण गरीएको जिल्ला सचिव दिपक खड्काले वताए ।