अर्चले आधारभुत विद्यालय हस्तान्तरण

काेसिस न्यूज ४ वर्ष अगाडि ४ वर्ष अगाडि

रामेछाप – रामेछापको मन्थली नगरपालिका वडा नम्बर ३ अर्चलेमा पूननिर्माण भएको आधारभुत विद्यालय भवन शनिबार विद्यालय व्यवस्थापन समितिलाई हस्तान्तरण गरीएको छ ।

नर्बेजियन सरकारको सहयोगमा युनोप्स मार्फत निर्माण पुरा भएको उक्त विद्यालय भवन मन्थली नगरपालिकाका प्रमुख रमेशकुमार वस्नेतले उद्घाटन तथा हस्तान्तरण गर्नुभएको हो । सो अवसरमा उहॉले आधुनिक विद्यालय भवन सगैं शिक्षामा गुणस्तरता ल्याउन सक्नु पर्ने वताउनु भयो ।

कार्यक्रममा वडा अध्यव केशव रोका, नेपाली कॉग्रेस रामेछापका जिल्ला सदस्य घननारायण श्रेष्ठ, युनोप्सका सामाजिक विज्ञ कैलाश खड्का, मन्थली नगरपालिकाको न्यायीक समिति सदस्य नारायण वोगटी र खानी निर्माण सेवाका प्रतिनिधि रामबाबु घिमिरेले आ आफ्ना धारणा राख्नु भएको थियो ।

करिव २ करोड ४० लाखको लागतमा ६ कोठे विद्यालय भवन, अपांग मैत्री सौचालय, सौर्यउर्जा , फर्निचर लगाएतका पूर्वाधार निर्माण भएका हुन । विद्यालय निर्माणक लागि खानी निर्माण सेवा संग संझौता भएको थियो । उक्त निर्माण सेवाले तोकिएकै समयमा भवन निर्माणको कार्य पुरा गरी विद्यालयलाई हस्तान्तरण गरेको थियो ।

क्याटेगोरी : विविध, शिक्षा, समाचार