राैतहटमा सुटकेशभित्र महिलाको शव फेला

काेसिस न्यूज ६ महिना अगाडि ६ महिना अगाडि

रौतहट- रौतहटको गौरमा सुटकेशभित्र एक महिलाको शव फेला परेको छ । गौर नगरपालिका-९ मुडवलवा गेट नजिकै सडक किनारमा सुटकेशभित्र महिलाको शव भेटिएको हो ।

शनिबार राति बेवारिसे अवस्थामा सडक किनारमा डोरीले बाँधिएको सुटकेश फेला परेपछि जिल्ला प्रहरी कार्यालय रौतहटका डिएसपी राजन कार्की सहितको टोलीले आज बिहान सो सुटकेस खोलेर हेर्दा अन्दाजी ३० वर्षीया एक महिलाको शव भेटिएको हो । सुटकेसभित्र कोचेर राखेको अवस्थामा शव फेला परेको डीएसपी कार्कीले बताए । मृत भेटिएकी महिलाकाे पहिचान भने खुलेको छैन ।

प्रहरीले मुचुल्कापछि शवलाई पाेष्टमार्टमका लागि प्रादेशिक अस्पताल गौरमा पठाएको छ । घटनाका बारेमा प्रहरी अनुसन्धान सुरु गरिसकेकाे जिल्ला प्रहरी कार्यालय रौतहटका डिएसपी कार्कीले बताए ।

यो साता मात्रै रौतहटमा तीन जनाको शव फेला परिसकेको छ । नेपाल लज भित्र मृत अवस्थामा भेटिएका सप्तरीका उपेन्द्र भगत, गौर–५ मा छुरा प्रहारबाट मारिएका सहाबुदिन मिया पछि आज अज्ञात महिलाको शव भेटिएको हो ।

क्याटेगोरी : अपराध, समाचार