गुप्तेश्वरमा युवती माथि खुकुरी प्रहार ,उपचारका लागि हेलिकप्टर मार्फत काठमाडौ पठाइयो

काेसिस न्यूज ४ महिना अगाडि ४ महिना अगाडि

रामेछाप- उमाकुण्ड गाँउपालिका ६ गुप्तेश्वरमा एक महिला माथि खुकुरी प्रहार भएकाे छ । बुधबार साँझ खुकुरी प्रहारबाट गम्भीर घाइते भएकी महिलाकाे उपचारका लागि हेलिकप्टर मार्फत केएमसी अस्पताल काठमाडौ पठाइएको जिल्ला प्रहरी कार्यालय रामेछापले जनाएकाे छ ।

जिल्ला प्रहरी कार्यलय रामेछापका अनुसार गुप्तेश्वरका ३२ वर्षिय रबिन सुनुवारले साेही ठाउँकी २७ वर्षकी एलिसा सुनुवारमाथि खुकुरी प्रहार गरेकाे छ । खुकुरी प्रहारबाट गम्भीर घाइते भएकी सुनुवारलाई थप उपचारका लागि काठमाडौं पठाइएको छ ।

खुकुरी प्रहार पछि फरार रहेका रबिन सुनुवारलाई प्रहरीले नियन्त्रणमा लिएर अनुसन्धान सुरु गरिएकाे रामेछापका प्रहरी प्रमुख प्रहरी नायव उपरीक्षक भाेला भट्टले जानकारी दिए ।

क्याटेगोरी : अपराध, समाचार