रामेछाप । जिल्ला समन्वय समिति रामेछापकी प्रमुख चिना खड्का कार्कीले जिल्लाका सरोकारवाला सवै पक्ष संग समन्वय गरेर काम गर्ने वताएकी छिन् । सोमबार जिल्ला समन्वय समितिमा पदभार ग्रहण गर्दै कार्कीले जिल्लाका ८ वटै स्थानीय तहमा आईपर्ने समस्या समाधानका साथै विकास निर्माणका कार्यहरुलाई समन्वयात्मक ढंगले अघी बढाउने योजना रहेको वताईन । उनले जिल्ला समन्वय समितिमा रहेका सवै साथिहरुले कुनै दल विशेष भन्दा माथि निस्केर जिल्लाबासी नागरिकको भलाई हुने काममा दत्तचित्त भएर लाग्ने सुनाईन ।
समितिका उप प्रमुख प्रेमवहादुर थापाले संरचनागत हिसावले जिल्ला समन्वय समिति आफैमा विकास निर्माण गर्ने दायित्व नरहेपनि जिल्लाका सवै विकास निर्माण कार्यको अग्रणी भूमिकामा रहेकोले उक्त भूमिकालाई कमजोर नहुने गरी काम गर्ने विश्वास दिलाए । कानुनले प्रदत्त गरेको अधिकारको अधिकत्तम प्रयोग गरेर नागरिकको इच्छा बमोजिम अवका दिनमा काम गर्ने थापाले वताए ।
आईतबार भएको निर्वाचनबाट जिल्ला समन्वय समितिमा निर्वाचित प्रमुख कार्की र उप प्रमुख थापा सहित सवै सदस्यले सोमबार कार्यालयमा पुगेर पदभार ग्रहण गरेका छन् । जिल्ला समन्वय अधिकारी झनकवहादुर खत्रीले निर्वाचित पदाधिकारीलाई जिल्ला समन्वयमा स्वागत गरेका थिए । समितिमा ७ जना सदस्य रहेका छन् ।
क्याटेगोरी : राजनीति, समाचार
थप समाचार
ताजा अपडेट
- १ महासंघ रामेछापको बार्षिक साधारण सभा
- २ नेपाल पत्रकार महासंघ प्रतिष्ठान प्रदेश समिति सर्वसहमतिमा चयन
- ३ धोवि बाट दुई दिन देखि वृद्ध बेपत्ता
- ४ यातायात समितिद्वारा मृतकका परिवारलाई रकम हस्तान्तरण
- ५ मध्यरातमा मन्त्री पाण्डेद्वारा विमानस्थल अवलाेन
- ६ बिजुली बत्ति बाल्नबाट काेही नागरिक बन्चित हुनु पर्दैन: राज्यमन्त्री तामाङ
- ७ फर्पु सुमाे दुर्घटना :अपडेट
- ८ रामेछापको फर्पुमा सुमाे दुर्घटना हुदा वडा अध्यक्ष सहित ५ जनाकाे मृत्यु
प्रतिक्रिया दिनुहोस