रामेछापमा स्थानीय तह निर्वाचन
राकाथुम स्थगित अरुमा निर्वाचन सम्पन्न

काेसिस न्यूज ४ वर्ष अगाडि ४ वर्ष अगाडि

रामेछाप – रामेछापको खाँडादेवि गाउपालिका १ राकाथुम मतदान केन्द्रको मतदान स्थगित भएको छ । विहान मतदान सुरु हुना साथ नेपाली का“ग्रेस र माओवादी केन्दका कार्यकर्ता विच भएको झडपका कारण मतदान कार्य स्थगित भएको थियो । झडपलाई नियन्त्रणमा लिन प्रहरीले केहि राउण्ड हवाई फायर गरेको थियो ।
स्थगीत भएको मतदान कार्य भने दिनभरको प्रयास गर्दा पनि सम्भव नभएको प्रमुख जिल्ला अधिकारी दिपककुमार पहाडिले वताएका छन् । पहाडीका अनुसार रोकिएको मतदान गर्ने विषयमा केहि दिनमै निर्णय हुनेछ ।
यसैविच मतदानको क्रममा सामान्य झडप पछि हवाई फायर समेत भएको मन्थली नगरपालिका १२ सिक्राल मतदान केन्द्रको मतदान कार्य ढिलो गरी सुरु भएको छ । अपरान्ह मात्र मतदान सुरु भएकाले उक्त मतदान केन्द्रमा राति अवेर सम्म मतदान गराउने गरी तयारी थालिएको छ । पहाडिले उक्त केन्द्रका लागि जेनेरेटर लगाएतको प्रवन्ध गरी मतदान गराउने वताएका छन् ।
पहाडिका अनुसार मतदानमा सामान्य झै झगडा भएका दोरम्बा शैलुङ गाउँपालिकाको टोकरपुर, सुनापति गाउँपालिकाको दिमीपोखरी र गुन्सी, मन्थली नगरपालिकाको पुरानागाउँ, खा“डादेविको पकरवास मतदान केन्द्रमा केहि समय मतदान स्थगित गरी पुन मतदान गराइएको थियो । बर्षाको कारण केहि समय मतदान स्थगित भएको विजुलीकोटको कोटगाउ मतदान केन्द्रमा बर्षा रोकिएपछि मतदान थालिएको थियो ।
जिल्लाका अन्य मतदान केन्द्रमा शान्तिपूर्ण मतदान कार्य भएको छ । समग्रमा रामेछापमा ६० देखि ६५ प्रतिशत सम्म मतदान भएको मूख्य निर्वाचन कार्यालयको प्रारम्भिक तथ्याङ्कमा उल्लेख छ । निर्वाचन सम्पन्न भएका मतदान केन्द्रबाट मतपेटिका ढुवानी गरी सम्बन्धित निर्वाचन अधिकृतको कार्यालय सम्म लैजानका लागि सवै केन्द्रमा सुरक्षाकर्मी र ढुवानीका साधन पु¥याएकोले राति १० बजे सम्म मतदान केन्द्रबाट मतपेटिका संकलन भइसक्ने अनुमान उक्त कार्यालयको छ ।

क्याटेगोरी : राजनीति, समाचार