रामेछाप – नकावधारी चोरी मुद्धामा अदालतबाट दोषि ठहर भई ११ बर्ष देखि फरार रहेका रामेछाप ७ सुकाजोरका श्यामकुमार खड्का पक्राउ परेका छन् ।
जिल्ला प्रहरी कार्यालय रामेछापका अनुसार खड्कालाई शुक्रबार सुकाजोरको धिपिडाडा“बाट पक्राउ गरीएको हो । उनलाई अदालतले १ महिना ४ दिन कैद हुने र ५२ हजार ५ सय जरीवानाको फैसला सुनाएको थियो । फैसला कार्यान्वयनको लागि खड्कालाई शुक्रबारनै रामेछाप जिल्ला अदालतमा वुझाइएको जिल्ला प्रहरी कार्यालयले जनाएको छ ।
अदालतबाट फैसला भएपछि दोषि ठहर भएका व्यक्तिहरु बर्षौदेखि लुकिछिपी हिडीरहेको सूचनाका आधारमा प्रहरीले केहि दिन अघी देखि खोजविनलाई तिव्र पारेको छ । बुुधबार मात्र प्रहरीले विभिन्न घटनामा सम्लग्न भई अदालतबाट दोषि ठहर भएका ६ जना फरार सूचिका व्यक्तिहरुलाई पक्राउ गरी अदालतमा वुझाएको थियो ।
क्याटेगोरी : समाचार, समाज
थप समाचार
ताजा अपडेट
प्रतिक्रिया दिनुहोस