वैदेशिक राेजगारीका क्रममा ठगिमा परेकाले सामीकाे पहलमा पाए ५१ लाख ३६ हजार

काेसिस न्यूज १२ महिना अगाडि १२ महिना अगाडि

रामेछाप – बैदेशिक राेजगारीका क्रममा विभिन्न निकायबाट ठगिमा परेका व्यक्तिकाे ५१ लाख ३६ हजार रकम सामीकाे पहलमा पिडिले पाएका छन् ।

सुरक्षीत आप्रवासन (सामी) कार्यक्रमकाे सहजीकरणमा रामेछाप जिल्लाबाट राेजगारीकाे सिलसिलामा विभिन्न देशमा गएका, राेजगारीकै क्रममा विदेशमा मृत्यु भएका , दुर्घटनामा परेका, विरामी भएका तथा जाने प्रक्रियामा ठगिमा परेकाे गरि ७ जनाले ५१ लाख ३६ हजार सामीकाे पहलमा भुक्तानी पाएका छन् ।

सामीले बिहीबार मन्थलीमा आयाेजना गरेकाे पत्रकार भेटघाट कार्यक्रममा सामीका जिल्ला संयाेजक दिपक केसीले उक्त तथ्यांक सार्वजनिक गरेका हुन् । उनका अनुसार आर्थिक वर्ष २०८१ साउनदेखी चैत्र सम्मकाे ६ हजार ७६ जनाले विभिन्न देशमा राेजगारीका लागि गएका छन् वैदेशिक रोजगारमा जानेहरूमध्ये ४ हजार ७ सय २० जना पुरुष र १ हजार ३ सय ५६ जना महिला रहेका छन् ।

भने अघिल्लो आर्थिक वर्ष २०८०/८१ मा रामेछापका ७ हजार ४ सय ३१ जनाले श्रम स्वीकृति लिएका थिए ।

क्याटेगोरी : विविध, समाचार