रामेछापका सबै सरकारी कार्यालयमा सेवाग्राहीले क्यूआर काेण मार्फत गुनासाे गर्न सक्ने

काेसिस न्यूज ११ महिना अगाडि ११ महिना अगाडि

रामेछाप – जिल्ला प्रशासन कार्यालय रामेछापले जिल्लाका सबै सरकारी कार्यालयका सेवाग्राहीले क्युआर मार्फत गुनासाे गर्न सक्ने व्यवस्था मिलाएकाे छ । प्रशासनले एक कार्यक्रममा क्यूआर काेण सार्वजनिक गरेर सेवाग्राहीले क्यूआर काेण स्कान गरेर सम्बन्धित कार्यालयलाई गुनासाे गर्न सक्ने व्यवस्था गरेकाे जानकारी दिएकाे छ ।

रामेछापका प्रमुख जिल्ला अधिकारी श्यामकृष्ण थापाले प्रविधिकाे प्रयाेगबाट नागरिकको गुनासाे तथा सुझाव लिन, सेवा प्रवाहलाई चुस्तदुरुस्त , पारदर्शी र व्यवस्थित बनाउन र नागरिकको सुझावलाई आत्मसात् गर्दै सेवा प्रवाहमा आवस्यक सुधार ल्याउनका लागि क्यूआर काेण मार्फत सुझाव तथा गुनासाे लिने व्यवस्था मिलाएकाे बताए ।

प्रशासनले २ वटा क्यूआर काेण सार्वजनिक गरेकाे छ । जस मध्ये एउटमा कार्यालयले प्रवाह गर्ने सेवा प्रवाहका विषयमा वडापत्र हेर्न सकिने छ भने अर्काे क्यूआरमा भने गुनासाे गर्न सकिने छ ।