राष्ट्रपति रनिङ शिल्ड प्रतियोगितामा मन्थली प्रथम

काेसिस न्यूज १ वर्ष अगाडि १ वर्ष अगाडि

रामेछाप – जिल्ला स्तरीय १२ ओै जिल्ला राष्ट्रपति रनिङ शिल्ड प्रतियोगितामा मन्थली नगरपालिका प्रथम भएकाे छ ।प्रतियोगितामा मन्थली २२ स्वर्ण २३ रजत र ३२ कास्यपदक सहित प्रथम भएकाे हाे ।

मन्थलीमा ३ दिन देखि चलिरहेको जिल्ला स्तरीय राष्ट्रपति रनिङ शिल्डकाे आज अन्तिम खेल भएकाे थियाे । विभिन्न विधाका खेलहरुमा भएको प्रतियोगितामा २१ स्वर्ण, १२ रजत र ११ कांस्य गरी ४४ पदकसहित उमाकुण्ड गाउँपालिका दोस्रो हुन सफल भएकाे छ । त्यस्तै प्रतियोगितामा ८ स्वर्ण ६ रजत र १२ कांस्यपदक हात पार्दै लिखुतामाकोशी गाउँपालिका तेस्रो भएको छ ।

त्यसैगरी ६ स्वर्ण, ९ रजत र १८ कांस्यपदक सहित दोरम्बा शैलुङ गाउँपालिकाले सान्त्वना स्थान हासिल गर्न सफल भएकाे जिल्ला खेलकुद विकास समिति रामेछापका अध्यक्ष सिताराम कार्कीले जनाएका छन् ।

प्रतियोगितामा रामेछाप नगरपालिकाले भने ५ स्वर्ण, ९ रजत र १८ कांस्यपदक हात पारेकाे छ ।

प्रतियोगितामा पहिलो हुनेले मन्थली नगद ३० हजार, दोस्रो हुनेले २० हजार र तेस्रो हुने १० हजार नगद पुरस्कार प्राप्त गरेका छन् ।

प्रतियोगितामा विभिन्न ६६ वटा स्वर्ण सहित रजत र कांस्य पदकका लागि भलिबल, कबड्डी, एथलेटिक्स, तेकान्दो, उस्सु र कराँते खेलहरू भएका थिए ।

क्याटेगोरी : विविध