सरकार बादर र बँदेल नियन्त्रणमा लागेकाे छ : राज्यमन्त्री तामाङ

काेसिस न्यूज १ वर्ष अगाडि १ वर्ष अगाडि

रामेछाप – नेपाल सरकारकाे उर्जा जलस्रोत तथा सिचाइ राज्यमजन्त्री पुर्ण बहादुर तामाङ कान्छारामले सरकार बादर र बँदेल नियन्त्रणमा लागेकाे बताएका छन् । रामेछाप कृषि, पर्यटन तथा ओैधाेगिक मेला समापन कार्यक्रमा बाेल्दै उनले यस्ताे बताएका हुन ।

रामेछापको सदरमुकाम मन्थलीमा संचालन भइरहेको मेलाकाे शनिबार समापन समारोहमा राज्य मन्त्री तामाङले कृषि उत्पादनलाई वृद्धि गर्नुपर्ने बताउदै उनले विभिन्न ठाउँमा बादर र बदेलले किसानकाे उत्पादन नष्ट गर्ने , क्षेति पुर्याउने र किसानलाई दुःख दिने गरेकाे उल्लेख गर्दै सरकार त्यसतर्फ सचेत रहेकाे र त्यसका लागि बादर र बँदेल नियन्त्रणमा लागिपरेका बताए ।

त्यसैगरि उनले आगामी बर्षहरुकाे महाेत्सबमा खुला चाैरमा त्रिपाल टागेर बस्न नपर्ने गरि ठुलाे क्षमताकाे अत्याधुनिक हल निर्माण गर्ने बताए । उनले रामेछाप जिल्लामा कार्यक्रम गर्ने हलकाे आवस्यकता भएकाे उल्लेख गर्दै आफ्नाे कार्यकाल भरिमा जिल्लामा एउटा अत्याधुनिक हल निर्माण गर्ने याेजना रहेकाे बताए ।
त्यस्तै जिल्लाका विभिन्न सुनापति, रामेछाप र मन्थलीमा खानेपानीकाे लागि बजेट व्यवस्था मिलाएकाे उल्लेख गर्दै मन्थलीमा २४ सै घण्टा धारामा पानी आउनेगरि खानेपानीकाे व्यवस्था मिलाउने बताए ।

१० दिनदेखि संचालनमा रहेकाे महाेत्सबकाे समापन समारोहमा उत्कृष्ट स्थानिय कलाकार ,प्रदर्शनीमा आएका उत्कृष्ट उत्पादक, कृषक तथा व्यवसायी ,कार्यक्रमका सहयोगी संघसंस्थालाई पुरस्कार तथा कदरपत्र प्रदान गरिएकाे छ भने कार्यक्रमका आयाेजकले कार्यक्रमका अतिथिहरुलाई काेसेली स्वरुप जुनार प्रदान गरेका थिए ।