रवि लामीछानेलाइ बयानको लागी रुपन्देही लगीयो

काेसिस न्यूज २ वर्ष अगाडि २ वर्ष अगाडि

राष्ट्रिय स्वतन्त्र पार्टी (रास्वपा) का सभापति रवि लामिछानेलाई प्रहरीले रुपन्देही लगेको छ । जिल्ला प्रहरी कार्यालय कास्कीको हिरासतमा रहेका लामिछानेलाई आज बिहान पोखराबाट हवाईजहाजमार्फत प्रहरीले भैरहवा हुँदै बुटवल लगेको हो ।

लामिछाने सहकारी ठगी, सङ्गठित अपराध र सम्पत्ति शुद्धीकरणमा २६ दिनदेखि कास्की प्रहरी हिरासतमा थीए । उनलाई रुपन्देहीको सुप्रिम सहकारीको रकम पनि अपचलन गरेको आरोप लागेको छ । रुपन्देही प्रहरी प्रमुख रञ्जितसिंह राठौरले सकेसम्म आजै लामिछानेको बयान सक्ने तयारी रहेको र बढीमा तीन दिनमात्र रुपन्देहीमा राख्ने योजना रहेको बताए । अहिले सरकारी वकिलको कार्यालयमा बयान चलिरहेको छ

बुटवलको सुप्रिम बचत तथा ऋण सहकारीको १४ करोड २९ लाख ३६ हजार रुपैयाँ गैरकानूनी रूपमा गोर्खा मिडिया नेटवर्कमा लगेर खर्च गरेको संसदीय छानविन समितिले उल्लेख गरेको थियो । लामिछानेलाई यही कात्तिकको २ गते काठमाण्डौबाट पक्राउ गरेर पोखरा लगीएको हो । प्रहरीले अदालतबाट चौथो पटक पनि म्याद थप गरेर अनुसन्धान गरिरहेको छ ।

क्याटेगोरी : विविध