महासंघमा लगाएकाे ताला खाेल्याे युनियनले

काेसिस न्यूज १ वर्ष अगाडि १ वर्ष अगाडि

रामेछाप – नेपाल प्रेस युनियन रामेछापले नेपाल पत्रकार महासंघ रामेछाप शाखामा लगाएकाे ताला खाेलेकाे छ । मंगलबार युनियनले महासंघमा लगाएकाे ताला खाेलेकाे हाे ।

नेपाल प्रेस युनियन रामेछापले महासंघकाे सदस्यताका साथै विभिन्न माग राखेर महासंघमा गत जेष्ठ १५ गते ताला लगाएकाे थियाे । युनियनले पत्रकार महासंघकाे सदस्यकाे विषयलाई लिएर पत्रकार महासंघकाे केन्द्रिय कार्यालय सहित देशभरकाे सबै शाखाहरुमा ताला लगाएकाे थियाे ।

युनियनले राखेकाे मागलाई महासंघले सम्बाेधन गर्ने सहमति भए पश्चात् युनियनले आफ्ना आन्दाेलनका कार्यक्रमहरु फिर्ता लिएकाे छ । महासंघलाई सहमति बमोजिम कार्य गर्न र निर्वाचनका गतिविधि संचालन गर्ने वातावरण वबनाउनका लागि महासंघमा लगाएकाे ताला युनियनले खाेलेकाे रामेछापकी अध्यक्ष ज्ञानु श्रेष्ठले जानकारी दिइन् ।

त्यसैगरी पत्रकार महासंघकाे सदस्यताकै विषयलाई लिएर पत्रकार महासंघ रामेछापकाे कार्यालयमा प्रेस चाैतारी नेपालले पनि १ वर्ष अघिदेखी महासंघमा ताला लगाएकाे छ । उक्त ताला भने अझै खुलेकाे छैन