अग्नि पिडितलाइ तरुण दलकाे हिलट्याङ्की सहयाेग

काेसिस न्यूज २ वर्ष अगाडि २ वर्ष अगाडि

रामेछाप – रामेछापका नगरपालिका ९ टार गाउँका अग्नि पीडितलाई नेपाल तरण दल रामेछापले पानी ट्याङ्की सहयाेग गरेकाे छ । तरुण दलले बिहीबार पिडितहरुकाे घरमै पुगेर एक घर एक ट्याङ्की उपलब्ध गराएकाे हाे ।

यहि चैत्र ३ गते टार गाउँ नजिकैकाे सामुदायिक वनमा लागेकाे आगाे बस्तिमा लाग्न पुग्दा क्षतिहुन पुगेकाे १३ घरधुरीलाई ५ सय लिटरकाे हिलट्याङ्गी उपलब्ध गराएकाे तरुण दल रामेछापका उपाध्यक्ष बासु फ्युयालले जानकारी दिए ।

कार्यक्रममा रामेछाप नगरपालिकाका नगरप्रमुख लवश्री न्याैपानेले अग्नि पिडितका लागि विभिन्न संघसंस्था तथा व्यक्तिहरुबाट प्राप्त सहयाेगलाई पिडितहरुकाे आवस्यकताकाे आधारमा वितरणकाे व्यवस्थापन मिलाइएको बताएका छन् । पिडितका लागि प्राप्त सहयाेगहरु नगरले एकद्वार प्रणालीबाट वितरण गर्ने नीति लिएका कारण पनि पिडितलाई कुनै पनि किसिमकाे समस्या र अभावमा पर्न नदिन हरप्रयास गरिएकाे नगर प्रमुख न्याैपानेले बताए ।

उक्त कार्यक्रममा रामेछाप नगरपालिकाका प्रवक्ता तथा वडा अध्यक्ष समीर कार्की , तरुण दल रामेछापका अध्यक्ष तथा गाेकुलगंगा गाउपालिका अध्यक्ष काजिबहादुर खड्का , उपाध्यक्ष जीवन कार्की लगाएतकाे उपस्थिति रहेकाे थियाे ।

यहि चैत १ गते दिउसाे नजिकैको सामुदायिक वनमा लागेको आगो हावाहुरीका कारण बस्तीमा पुगेपछि टार गाउमा १२ घर र २६ गाेठमा क्षेति पुगेकाे थियाे । आगाेलागिका कारण विभिन्न सामग्री पशुचाैपाय गरि प्रारम्भिक तथ्यांक अनुसार ८६ लाख बराबरको
धनराशिकाे नष्ट भएकाे छ ।

क्याटेगोरी : राजनीति, समाचार, समाज