क्यानडामा जनसम्पर्क समिति पुनर्गठन : अध्यक्षमा बसन्त कार्की

काेसिस न्यूज ५ महिना अगाडि ५ महिना अगाडि

क्यानडामा क्रियाशिल प्रजातान्त्रिक जनसम्पर्क समिति पुनर्गठन भएकाे छ । हालै पुनर्गठित समितिकाे अध्यक्षमा बसन्त कार्की चयन भएका छन् ।

जनसम्पर्क समितिलाई थप प्रभावकारी र व्यवस्थित बनाउन समितिकाे पुनर्गठन गरिएकाे अध्यक्ष कार्कीले जानकारी दिएका छन् ।

लामाे समयदेखि महाधिवेशन हुन नसकेका कारण नेतृत्व परिवर्तन हुन नसकिरहेकाे बेला समितिकाे पुनर्गठन गरेर कार्कीलाई नेतृत्व हस्तान्तरण गरेकाे जनसम्पर्क समिति क्यानडाले जनाएकाे छ ।

संस्थाकाे क्षमता अभिवृद्धि ,नेपाली समुदायसँगको सम्बन्ध सुदृढ बनाउने तथा भावी कार्यदिशा स्पष्ट गर्ने लक्ष्यसहित पुनर्गठन गरिएको समितिले जनाएको छ ।

क्यानडामा रहेका नेपाली समुदायलाई एकताबद्ध गर्दै जनसम्पर्क समितिलाई अझ सक्रिय,उत्तरदायी र परिणाममुखी संस्थाका रूपमा विकास गर्ने समितिका अध्यक्ष कार्कीले प्रतिबद्धता व्यक्त गरेका छन्।

यस समितिले नयाँ सदस्यकाे नेतृत्व विकास, जिम्मेवारीको स्पष्ट बाँडफाँड र कार्यक्रमहरूलाई थप जनमुखी बनाउदै लैजाने उल्लेख गर्दै समितिले निकट भविष्यमा सामाजिक, सांस्कृतिक तथा सामुदायिक गतिविधिलाई प्राथमिकताका साथ अगाडि बढाउने जनाएको छ।

क्याटेगोरी : राजनीति, समाचार