अपांगताका कारण कुनैपनि नागरिक अनागरिक हुन पर्दैन : प्रजिअ थापा
रामेछाप – रामेछाप जिल्लाका प्रमुख जिल्ला अधिकारी श्यामकृष्ण थापाले कुनैपनि नागरिक अपांगता भएकै कारण अनागरिक हुन नपर्ने बताए । मंगलबार ४९ वर्षीय शान्ती बुढालाई घरमै पुगेर नागरिकता प्रदान गर्दै प्रजिअ थापाले अपांग भएकै कारण काेहीपनि नेपाली नागरिक अनागरिक हुन नपर्ने बताएका हुन् ।
अपांगता भएकै कारण ओछ्यानमै थलिएकी मन्थली नगरपालिका १३ की शान्तिलाई नागरिकता प्रदान गर्दै प्रजिअ थापाले भने ” कानुनी रुपमा आवस्यक कागजात र प्रकृया पूरा गरेर आए कुनैपनि नागरिक नागरिकता बिहिन हुन पर्दैन” । यस्तै किसिमकाे समस्या भएर नागरिकता लिन नसकेका नागरिक नागरिकता पाउन र सरकारले प्रदान गर्ने अन्य सेवा सुविधाबाट बन्चित हुनु पर्दैन ।”
बाल्यकालदेखि नै एउटै ओछ्यानमा थलिएकी मानसिक तथा शारीरिक रुपमा अशक्त शान्तीलाई मंगलबार प्रजिअ थापाले घरमै पुगेर नागरिकता दिलाएका छन् । जिल्ला प्रशासन सम्म जान नसकेर ४९ वर्षकाे उमेरसम्म नागरिकता प्राप्त गर्न नसकेकी शान्तिलाई जिल्ला प्रशासनकाे टाेलीले घरमै पुगेर नागरिकता थमाइ दिएपछि शान्तिकी आमा मनकुमारी बुढा खुसिले गदगद हुँदै भनिन् “अब अपांग कार्ड पनि पाइने र सरकारले प्रदान गर्ने सामाजिक सुरक्षा भत्ता पनि पाइनेमा आशा पलायाे ।”मलाई धेरै खुसि लागेकाे छ,
प्रमुख जिल्ला अधिकारीलाई धेरै धन्यवाद ।
यसअघि शान्तिका काका गाेकर्ण बुढाथोकीले स्थानिय जनप्रतिनिधिलाई पटक- पटक अनुराेध गर्दापनि नागरिकता पाउन नसकेकी दु:खेसाे गरे ।
क्याटेगोरी : समाचार, समाज
थप समाचार
ताजा अपडेट
- १ प्रधानमन्त्री दैवी प्रकोप उद्धार कोषमा रकम सहयोग गरेको भन्दै नक्कली स्टेटमेन्ट बनाउने पक्राउ
- २ नन्दप्रसाद–जानुका फाउन्डेशनको तेस्रो पुस्तक ‘दोलखाका लोकनायकहरू’ सार्वजनिक
- ३ उमाकुण्ड–४ को नवनिर्मित वडा कार्यालय भवन उद्घाटन
- ४ ६१ वर्षीय महिलामाथि जबरजस्ती करणीकाे आरोपमा २१ वर्षीय युवक पक्राउ
- ५ ‘न्यायिक समितिको सारथी’ उत्कृष्ट पुस्तकका रूपमा पुरस्कृत
- ६ लागू पदार्थ सेवन गरी सवारी चलाउने चालक पक्राउ
- ७ संगीत राेयल्टीकाे नाममा रेडियोकर्मीलाई मुद्दा नचालाउन सर्वाेच्चकाे आदेश
- ८ कर्मचारी र जनप्रतिनिधि बिचकाे समझदारी बिना स्थानिय तहमा समृद्धिकाे सम्भावना छैन : उपाध्यक्ष सुनुवार
प्रतिक्रिया दिनुहोस