मन्थली क्याम्पसकाे स्ववियु सभापतिमा थापा विजयी

काेसिस न्यूज १ वर्ष अगाडि १ वर्ष अगाडि

रामेछाप – मन्थली सहिद स्मृति बहुमुखी क्याम्पसकाे स्ववियु निर्वाचनमा अनेरास्ववियुका सुशील थापा विजयी भएका छन् । मंगलबार सम्पन्न स्ववियु निर्वाचनमा नेविसंघका एक सदस्य बाहेक अनरोस्ववियुका उम्मेदवार विजयी भएका छन् ।

निर्वाचनकाे अन्तिम मत परिणाम अनुसार सभापतिमा अनेरास्ववियुका सुशील थापा २०७ मत प्राप्त गर्दै विजयी भएका छन् । निर्वाचनका प्रतिस्पर्धी नेविसंघका विपुल रोका १५२ र अखिल (क्रान्तिकारी) का अनोज भुजेलले ६५ मत प्राप्त गरेका छन् ।

त्यसैगरी सचिवमा अनेरास्ववियुका मुकेश भण्डारी (डेनिस) १८५ मत प्राप्त गरी विजयी भएका छन् भने नेविसंघका युवराज बुढाथोकीले १६५ र अखिल (क्रान्तिकारी) का सचिव पदका उम्मेदवार विनीता माझीले ७० मत प्राप्त गरेका छन् ।

कोषाध्यक्षमा अनेरास्ववियुकी मशली तामाङ २०७ मत सहित निर्वाचित भएकी छिन भने नेविसंघकी छाया तामाङले १३६ र अखिल (क्रान्तिकारी) का राजकुमार श्रेष्ठले ७९ मत प्राप्त गरेका छन् ।

सदस्यहरूमा अनेरास्ववियका ४ जना उम्मेदवार तुलसा उप्रेती १९१, यलिना माझी १७१, जीवन पहरी २०७ र मनोज श्रेष्ठ २३७ मत प्राप्त गर्दै विजयी भएका छन् भने नेविसंघका कर्ण श्रेष्ठले १७६ मत प्राप्त गर्दै विजयी विजयी हुन सफल भए ।

उपाध्यक्ष र सह–सचिवसहित ७ पद समानुपातिक तर्फबाट समितिमा जाने व्यवस्था रहेको छ । स्ववियु निर्वाचन भएको रामेछाप जिल्लाकै एक मात्र मन्थली सहिद स्मृति बहुमुखी क्याम्पसमा ५३१ मतदाता रहेका थिए भने ४२७ जनाले मात्र मतदान गरेका थिए ।

क्याटेगोरी : राजनीति, शिक्षा, समाचार