नेकपा एमाले बागमतीकाे अध्यक्षमा रामेछापका ढुङ्गेल विजयी

काेसिस न्यूज २ वर्ष अगाडि २ वर्ष अगाडि

काठमाडौ – नेकपा एमाले बागमती प्रदेशको अध्यक्षमा रामेछापका कैलाश ढुंगेल विजयी भएका छन् । शुक्रबार राति सम्पन्न निर्वाचनमा कृष्ण दाहाललाई पराजित ढुङ्गेल विजयी भएका हुन् ।

निर्वाचनमा ढुंगेलले ६९६ मत प्राप्त गरी अध्यक्षमा विजयी भएका हुन् भने अर्का उम्मेदवार कृष्ण दाहालले ४३९ मत प्राप्त गरेका छन् । त्यस्तै सचिवमा नवराज सिलवाल ५६८ मतसहित विजयी भएका छन् भने अर्का उम्मेदवार हस्त पण्डितले ५६७ मत प्राप्त गरेका छन् ।

उपाध्यक्षमा दावादोर्जे लामा ६१५ मत सहित विजयी भएका छन् भने महिला उपसचिवमा भक्तकुमारी लामाले ५९९ मत प्राप्त गरी विजयी भएकी छन् । त्यस्तै पुरुष तर्फको उपसचिवमा प्रेम महर्जनले ३६७ मत प्राप्त गर्दै विजयी भएका हुन ।

क्याटेगोरी : राजनीति, समाचार