पत्रकारको न्युनतम पारिश्रमिक ३४ हजार पुर्‍याउन सरकारलाई सिफारिस

काेसिस न्यूज ३ वर्ष अगाडि ३ वर्ष अगाडि

काठमाडौ – न्यूनतम पारिश्रमिक निर्धारण समितिले पत्रकारहरुको न्यूनतम पारिश्रमिक ३४ हजार १ सय २५ पुर्‍याउन सरकारलाई सिफारिस गरिएको छ । आइतबार सञ्चार तथा सूचना प्रविधिमन्त्री रेखा शर्मालाई समितिकी अध्यक्ष संगीता खड्काले प्रतिवेदन सहित सिफारिस गरेकाे हाे ।

समितिको सिफारिस प्रतिवेदन बुझ्दै सञ्चार तथा सूचना प्रविधिमन्त्री रेखा शर्माले समितिले प्राप्त प्रतिवेदन अध्ययन गरी कार्यान्वयनमा लैजानका लागि प्रतिबद्धता व्यक्त गरिन् । उक्त विषयमा मन्त्रालय सकारात्मक भएकाे बताउदै मन्त्री शर्माले के कसरी अगाडि बढ्ने भन्नेमा कुरामा मन्त्रालयले गृहकार्य गर्ने बताइन् ।

समितिले सिफारिस गरेकाे पत्रकारको पारिश्रमिक जसमा सहायक संवददाताको ३४ हजार १ सय २५, संवाददाता, फोटो पत्रकार, प्रेस प्रतिनिधिको ३७ हजार ५ सय ३८, वरिष्ठ संवाददाता, भाषा सम्पादक, सहायक सम्पादकको ४० हजार ९००, उपसम्पादकको ४३ हजार २ सय ७२, वरिष्ठ भाषा सम्पादक, वरिष्ठ फोटो पत्रकारको ४५ हजार ३०० र प्रमुख समाचारदाता, समाचार संयोजक, समाचार सम्पादक, श्रब्य, दृश्य, फोटो सम्पादकको ४८ हजार, सहसम्पादकको ५० हजार ४०० न्यूनतम पारिश्रमिक निर्धारण गरिएको छ ।

यसअघि पत्रकारको न्यूनतम तलब २४ हजार ३७५ तोकिएको थियो ।

क्याटेगोरी : अर्थ, समाचार