तनहु १ मा रास्वपाका उम्मेदवार वाग्ले विजयी

काेसिस न्यूज ३ वर्ष अगाडि ३ वर्ष अगाडि

तनहु – तनहुँ -१ मा राष्ट्रिय स्वतन्त्र पार्टी (रास्वपा) का उम्मेदवार डा. स्वर्णिम वाग्ले विजयी भएका छन् । रास्वपाबाट उम्मेदवार बनेका वाग्ले ३४ हजार ४ सय ८० मत सहित विजयी भएका हुन ।

वाग्लेले निकटतम प्रतिस्पर्धाी कांग्रेसका उम्मेदवार गोविन्द भट्टराईलाई १४ हजार ३ सय ८८ मतले पछि पारेका छन् । भट्टराईले २० हजार ८८ मत प्राप्त गरेका छन् भने नेकपा एमालेका सर्वेन्द्र खनालले ८ हजार ५ सय ५५ मत प्राप्त गरेका छन्।

तनहुँ-१ मा १ लाख २३ हजार ३ सय ५ जना मतदाता छन् । आइतबार भएको उपनिर्वाचनमा ६५ हजारभन्दा बढी मत खसेको थियो ।

गत मंसिर ४ को आमनिर्वाचनमा तनहुँ-१ मा कांग्रेसबाट रामचन्द्र पौडेल निर्वाचित भएका थिए। उनी राष्ट्रपति बनेपछि उपनिर्वाचन गरिएको हो ।

क्याटेगोरी : राजनीति, समाचार