रामेछापमा सांस्कृतिक सम्मेलन हुँदै

काेसिस न्यूज ३ वर्ष अगाडि ३ वर्ष अगाडि

काठमाडौ – राष्ट्रिय जनसांस्कृतिक महासंघ बागमती प्रदेशकाे आयाेजनामा रामेछापमा सास्कृतिक महाेत्सब हुने भएकाे छ । बुधबार रिपाटर्स क्लबमा पत्रकार सम्मेलन गरेर जानकारी दिएका हुन ।

बागमती प्रदेशभित्रका लोक संस्कृति र कलाहरुको पहिचान तथा साहित्य लेखन प्रवृत्तिहरु पहिल्याउनुको साथै स्थापत्यकला, चित्रकला,मूर्तिकला, सङ्गीतकला र प्रदर्शन कलाको प्रदर्शन गर्ने उद्देश्यले उक्त कार्यक्रमकाे आयाेजना गरिएकाे महासंघका अध्यक्ष हाेमराज श्रेष्ठले जानकारी दिए ।

उक्त सम्मेलनमा पर्यटन प्रबर्द्धनका लागि जिल्लाका विभिन्न ऐतिहासिक ,धार्मिक तथा पर्यकीय स्थलकाे अध्ययन, अवलाेक भ्रमण गर्ने बताएका छन् ।

त्यस्तै विभिन्न जातजातिको झाकी समेत प्रस्तुत गरिने आयाेजकले बताएका छन् । कार्यक्रममा स्थानिय कलाकारकाे प्रस्तुति रहनुका साथै ख्याति प्राप्त राष्ट्रिय स्तरका कलाकारहरुकाे समेत प्रस्तुति रहने अध्यक्ष श्रेष्ठले जानकारी दिएका छन् ।

कार्यक्रम यहि चैत्र १२ गते देखि १४ गते सम्म संचालन हुनेछ । आयाेजक संस्था राष्ट्रिय जनसांस्कृतिक महामसंघ नेकपा एमालेकाे भाद्रि संगठन हाे ।

क्याटेगोरी : समाचार, साहित्य