मकवानपुर – बागमती प्रदेशकाे मुख्यमन्त्रीमा माओवादी केन्द्र संसदीय दलका नेता शालिकराम जम्कट्टेल नियुक्त भएका छन् । जम्मकट्टेलाई बागमती प्रदेश प्रमुख यादवचन्द्र शर्माले मुख्यमन्त्रीमा नियुक्त गरेका हुन ।
प्रदेश प्रमुख यादवचन्द्र शर्माले जम्कट्टेललाई नेपालको संविधानको धारा १६८ को उपधारा २ अनुसार मुख्यमन्त्रीमा नियुक्त गरेका हुन् । जम्कट्टेल प्रदेशको चौथो मुख्यमन्त्री बनेका छन् ।
जम्कट्टेललाई सत्तारूढ गठबन्धन दलहरु माओवादी केन्द्र २१, एमाले २७, राप्रपा १३, नेकपा एस ७ हाम्रो नेपाली पार्टीका २ जना सांसदले समर्थन गरेका थिए । बागमती प्रदेशका ११० प्रदेशसभा सदस्य मध्ये जम्कट्टेललाई ७० सांसदले समर्थन गरेका हुन ।
यसअघि जम्कट्टेल २०७४ मा भएको प्रदेशसभा निर्वाचनमा माओवादीबाट विजयी भएर प्रदेशको मुख्यमन्त्री डोरमणि पौडेल नेतृत्वको सरकारमा आन्तरिक मामलिा तथा कानून मन्त्री तथा राजेन्द्र पाण्डे नेतृत्वको सरकारमा कानूनमन्त्री बनेका थिए ।
क्याटेगोरी : राजनीति, समाचार
थप समाचार
ताजा अपडेट
- १ एमाले बागमती प्रदेश अध्यक्षमा ढुङ्गेल सहित पाँचजनाकाे उम्मेदवारी
- २ शिक्षक आन्दोलन फिर्ता
- ३ संविधान दिवसमा विविध कार्यक्रम
- ४ प्रेस युनियन केन्द्रमा परामर्श समिति गठन
- ५ बेवारिसे शव फेला
- ६ असाेज ३ गते देखि सडक आन्दोलनमा शिक्षक
- ७ आज देशभरका अस्पतालमा आकस्मिक बाहेकका सेवा बन्द
- ८ अनेरास्ववियु रामेछापको अध्यक्षमा भट्टराई
प्रतिक्रिया दिनुहोस