पुष्पकमल दाहाल ‘प्रचण्ड’ प्रधानमन्त्रीमा नियुक्त

काेसिस न्यूज ३ वर्ष अगाडि ३ वर्ष अगाडि

?????????????????????????????????????????????????????????

काठमाण्डौं । नेकपा माओवादी केन्द्रका अध्यक्ष एवं संसदीय दलका नेता पुष्पकमल दाहाल ‘प्रचण्ड’ प्रधानमन्त्रीमा नियुक्त भएका छन् । उनी तेश्रो पटक प्रधानमन्त्री नियुक्त भएका हुन ।
राष्ट्रपति विद्यादेवि भण्डारीले नेपालको संविधानको धारा ७६ (२) बमोजिम २ वा २ भन्दा दलको समर्थन प्राप्त गरेका ‘प्रचण्ड’ लाई आईतवार अपरान्ह प्रधानमन्त्री पदमा नियुक्ती गरेकी हुन । नवनियुक्त प्रधानमन्त्री प्रचण्डले सोमबार अपरान्ह प्रधानमन्त्री पदको सपथ लिनेभएका छन् ।
यस अघी राष्ट्रपति भण्डारीले दिएको समय सिमा आईतबार साँझ ५ वजे ‘प्रचण्ड’ ले संविधानको धारा ७६ (२) बमोजिम प्रतिनिधिसभाका बहुमत सदस्य आफ्नो समर्थनमा रहेको दावि पेश गरेका थिए । दावि प्रश्तुत गरेको केहि बेरमा उनलाई भण्डारीले प्रधानमन्त्रीमा नियुक्त गरेकी हुन ।
काँग्रेस संग सहकार्य हुन नसक्ने भन्दै ‘प्रचण्ड’ लगाएतका राजनीतिक दलहरु एमाले संगको सहकार्यमा जुटेका थिए । एमालेले प्रचण्डलाई प्रधानमन्त्री स्वीकारेपछि केहि घण्टामानै सत्ता गठवन्धन विथोलिएको थियो ।
प्रचण्डलाई एमाले, माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी, जनमत पार्टी र नागरिक उन्मुक्ति पार्टीको समर्थन जुटेको छ । त्यसैगरी ३ जना स्वतन्त्र सांसदले पनि ‘प्रचण्ड’ लाई प्रधानमन्त्रीमा समर्थन दिएका छन् । सरकार गठनका लागि कुल १ सय ३८ सिट आवश्यक रहेकोमा प्रचण्डले दल र स्वतन्त्र सहित १६९ सांसदको समर्थन पाएका थिए ।
संसदको सवैभन्दा ठुलो दल नेपाली काँग्रेसका सभापति शेरवहादुर देउवाले प्रधानमन्त्रीको दावि अन्तिम सम्म नछोडे पछि सत्ता समिकरण अन्यत्र जुटेको हो । काँग्रेस अव प्रमुख प्रतिपक्ष हुने भएको छ । सरकारमा सामेल नेकपा एकिकृत समाजवादी, राजमो र नेमकिपा अव सत्ता वाहिर हुने भएका छन् ।

क्याटेगोरी : राजनीति, समाचार