संघीय सांसदहरुकाे सपथ बिहिवार हुने

काेसिस न्यूज ४ वर्ष अगाडि ४ वर्ष अगाडि

काठमाडौ – मंसिर ४ गते सम्पन्न निर्वाचनबाट निर्वाचित प्रतिनिधि सभाका सांसदहरूकाे बिहिवार सपथ लिने संघिय संसद सचिवालयले तयारी गरेकाे जनाएकाे छ । प्रतिनिधिसभामा निर्वाचित २ सय ७५ सांसदहरूको सपथ पुस ७ गते बिहिवार १ बजे गर्ने तयारी गरिएकाे सचिवालयले जनाएकाे हाे ।

संघीय संसद सचिवालयका सचिव गोपालनाथ योगीका अनुसार नवनिर्वाचित सांसदहरूको सपथका लागि सचिवालयले तयारी पूरा गरेकाे जानकारी दिएका छन् ।

सपथमा राष्ट्रपति विद्यादेवी भण्डारीले निर्वाचित सदस्यहरु मध्ये जेष्ठ सदस्यलाई सपथ ग्रहण गराउने छन् भने अन्य सदस्यहरुलाई जेष्ठ सदस्यले शपथ गराउनेछन् । शपथग्रहण कसले गराउने भन्नेबारे पनि संसद् सचिवालयले तयारी गरेको छ ।

निर्वाचित सदस्यहरु मध्ये जेष्ठ सदस्य छनाैटक लागि सचिवालयले सदस्यहरुकाे नागरिकतालाई आधार मान्ने जनाएकाे छ ।

सपथ गराउने तीन दिनअगावै संघीय संसद् सचिवालयले सूचना जारी गर्नुपर्ने हुन्छ । प्रतिनिधिसभा नियमावलीमा भएकाे व्यवस्था अनुसार कुनै सांसदले मातृभाषामा सपथ लिने भए तीन दिन अगावै सूचना दिनुपर्ने व्यवस्था छ । त्यसैले सचिवालयले सपथको मिति सोमबार नै सार्वजनिक गरेकाे हाे ।

राष्ट्रपति विद्यादेवी भण्डारीले पुस १० गतेभित्र सरकार आह्वान गरेको अवस्थामा त्यसपहिले नै सांसदहरूको शपथ हुन लागेको हो ।

क्याटेगोरी : राजनीति, समाचार