रामेछापलाई उज्यालो बनाउने जिम्मा हामी लिन्छाै : कान्छाराम

काेसिस न्यूज ३ वर्ष अगाडि ३ वर्ष अगाडि

रामेछाप – रामेछापबाट प्रतिनिधि सभा सदस्यमा निर्वाचित पुर्ण बहादुर तामाङ (कान्छाराम)ले रामेछापलाई उज्यालो बनाउने जिम्मा लिने बताएका छन् । तामाङले पत्रकारसँगकाे भेटघाटमा यस्ताे बताएका हुन ।

नेपाल पत्रकार महासंघ रामेछापले आयाेजना गरेकाे नवनिर्वाचित प्रतिनिधि बधाई तथा शुभकामना कार्यक्रममा तामाङले रामेछापको समग्र विकासकाे जिम्मा आफुहरुले नै लिने बताएका हुन् । तामाङले केन्द्रिय सरकार जसरी बनेपनि जिल्लामा गठबन्धन बाट निर्वाचित तिनै जना सदस्यहरु मिलेर जिल्लाकाे विकासकाे काम गर्ने प्रतिबद्धता व्यक्त गरे । जनतासामु गरेकाे प्रतिबद्धता पूरा गर्न पनि जिल्लामा गठबन्धनबाट निर्वाचित प्रतिनिधि तिनै जना मिलेर काम गर्नुपर्ने तामाङले बताए ।

त्यसैगरि प्रदेश सभा ख बाट प्रदेश सभा सदस्यमा निर्वाचित युवराज चाैलागाइले राेजगारी सिर्जना हुने काममा लाग्ने बताउदै जनताकाे हितलाइ ध्यानमा राखेर काम गर्ने प्रतिबद्धता व्यक्त गरे ।

त्यस्तै प्रदेश सभा क बाट निर्वाचित तारानाराण श्रेष्ठले
जनताले मतदानद्वारा दिएकाे जिम्मेवारीलाई जनताकाे पक्षमा काम गरेर पूरा गर्ने बताए ।

क्याटेगोरी : राजनीति, समाचार