रामेछाप — जिल्ला प्रहरी कार्यालय रामेछापले बुहारीलाई धारिलो हतियार (खुकुरी) प्रहार गरी फरार भएका ससुरालाई पक्राउ गरेको छ ।
प्रहरीका अनुसार जेठ १७ गते दिउँसो करिब २ बजे दोरम्बा शैलुङ गाउँपालिका–४, पासेबन निवासी गंगा बहादुर मगरले आफ्नी बुहारी कमला माया मगरलाई खुकुरी प्रहार गरी गम्भीर घाइते बनाएका थिए। घटनापछि मगर फरार भएका थिए ।
गम्भीर घाइते कमला माया मगरलाई थप उपचारका लागि हेलिकोप्टरमार्फत काठमाडौंस्थित बी एन्ड बी अस्पताल पठाइएको प्रहरीले जनाएको छ।
घटनापछि फरार रहेका गंगा बहादुर मगरको खोजतलास गर्ने क्रममा प्रहरीले सोही दिन साँझ करिब ५ बजे दोरम्बा शैलुङ गाउँपालिका–४ को खवासपानी क्षेत्रमा लुकिछिपी बसेको बेला पक्राउ गरेको प्रहरीले जनाएकाे छ ।
पक्राउ परेका मगरमाथि थप अनुसन्धानका लागि जिल्ला अदालत रामेछापबाट सात दिनको म्याद थप अनुमति लिई अनुसन्धान प्रक्रिया अगाडि बढाइएको जिल्ला प्रहरी कार्यालय रामेछापले जनाएको छ।
घटनासम्बन्धी थप अनुसन्धान जारी रहेको प्रहरीले जानकारी दिएको छ ।
क्याटेगोरी : समाचार
थप समाचार
ताजा अपडेट
- १ बुहारीलाई खुकुरी प्रहार गर्ने ससुरा पक्राउ
- २ हवाहुरी र चक्रिय भुमरीबाट उमाकुण्ड–२ मा क्षति
- ३ सहकारी अभियानलाई कमजोर बनाउने प्रयास भइरहेको छ : डा. परितोष पौडेल
- ४ विधि र पद्धतिमा विचलन आए समाज भयभीत हुन्छ : राष्ट्रपति पौडेल
- ५ कांग्रेसको क्रियाशील सदस्यता अद्यावधिक अभियान सुरु
- ६ बाम्तीभण्डारमा बजार अनुगमन, दर्ता–नविकरण नगरेकालाई एक साताको अल्टिमेटम
- ७ मन्थली नगरपालिका उत्कृष्ट नगरका रुपमा सम्मानित
- ८ शिक्षाविद् तथा भाषासेवी विष्णु चित्रकारको हृदयघातबाट निधन
धेरै पढिएका
प्रतिक्रिया दिनुहोस