४ लाख बराबरको लत्ताकपडा र सुपारी प्रहरीद्वारा बरामत

काेसिस न्यूज ४ वर्ष अगाडि ४ वर्ष अगाडि

झापा- नेपालकाे पूर्वी नाका झापाको काकडभिट्टाबाट ४ लाख बराबरकाे लत्ताकपडा र सुपारी प्रहरीले बरामद गरेको छ । प्रहरीले ५० हजारको सुपारी र ३ लाख ५० हजारको सटिङसुटिङको कपडा बरामद गरेको हो ।

जिल्ला प्रहरी कार्यालय झापाबाट खटिएको प्रहरी टोलीले मेचिनगर नगरपालिका-६ स्थित काकडभिट्टा नाकाबाट भारततर्फ अवैधरूपमा लैजाँदै गरेको पाँच बोरा सुख्खा सुपारी बरामद गरेको जिल्ला प्रहरी कार्यालय झापाका प्रवक्ता प्रहरी नायव उपरीक्षक वसन्त पाठकले जानकारी दिएकाे छ ।

प्रवक्ता पाठकका अनुसार सोही नाकाबाट भन्सार छलेर नेपाल भित्र्याउदै गरेकाे चार पोका कपडा प्रहरीले बरामद गरेको छ ।

बरामद गरिएको सुपारी र कपडालाई आवश्यक कारवाहीका लागि आइतबार मेची भन्सार कार्यालय काकँडभिट्टा बुझाइसकेको प्रहरीले जनाइएको छ।

क्याटेगोरी : अर्थ, समाचार