प्रतिनिधिसभाकाे उपसभामुखमा भुसाल विजयी

काेसिस न्यूज ४ वर्ष अगाडि ४ वर्ष अगाडि

काठमाडौ – प्रतिनिधिसभाकाे उपसभामुखमा पुष्पा भुसाल विजयी भएकी छिन् । शुक्रबार संसदमा भएकाे मतदानमा गठबन्धनकाे साझा उम्मेदवार नेपाली कांग्रेस संसदीय दलकी सचेतक पुष्पा भुसाल गौतम निर्वाचित भएकी हुन् ।

प्रतिनिधिसभाको दोस्रो बैठकले माओवादी केन्द्रका प्रमुख सचेतक देवप्रसाद गुरुङले उपसभामुखमा भुसाललाई निर्वाचित गरियोस् भन्ने प्रस्तावलाई बहुमतले पारित गरेको हो ।

शुक्रबार संसदमा भएको मतदानमा पाँचदलीय गठबन्धनकी साझा उम्मेदवार सांसद भुसालले १४८ मत पाइन् ।
यस्तै प्रमुख प्रतिपक्षी दल नेकपा एमालेकी सांसद विद्या भट्टराईले ९३ मत पाएकी छिन् । निर्वाचित भुसाल नेपाली कांग्रेसकी केन्द्रीय सदस्य हुन् ।

मतदान प्रक्रियामा एक जना सांसद सहभागी भएका थिएनन् ।

२०७६ साल माघ ६ गते तत्कालीन उपसभामुख शिवमाया तुम्बाहाम्फेले राजीनामा दिएपछि अहिलेसम्म रिक्त रहेको पदमा आज चुनाव भएको हो ।

क्याटेगोरी : राजनीति, समाचार