रामेछाप । निर्वाचनको मिति नजिकीदै जादा रामेछाप नगरपालिकाको रामपुरमा एमाले कार्यकर्ताहरुले नेपाली काँग्रेसका कार्यकर्ता माथि सांघातिक आक्रमण गरेका छन् ।
शुक्रबार निर्वाचनको प्रचार प्रसारमा हिडेका नेपाली काँग्रेसका कार्यकर्ता दानवहादुर तामाङलाई एमाले कार्यकर्ताले रामपुरमा सांघातिक आक्रमण गरी घाईते बनाएका छन् । घाईते तामाङको अनुहार र शरिरका विभिन्न भागमा चोटपटक लागेको छ ।
आक्रमणबाट बच्न सफल तामाङको रामेछाप अस्पतालमा उपचार भइरहेको छ । आक्रमणमा सम्लग एमाले कार्यकर्ताहरु विरुद्ध कारवाहिको लागि प्रहरी चौकी रामेछापमा जाहेरी हालेका छन् । प्रहरीले आक्रमणमा सम्लग्नको खोजिलाई तिव्र पारेको छ ।
रामेछाप नगरपालिकामा फेरी पनि हार्ने मानसिकता वनाएपछि एमाले आक्रमणमा उत्रिएको हो । पहिलो निर्वाचनमा एमालले पराजय भोगेको थियो । नेपाली काँग्रेसबाट नगर प्रमुखका उम्मेदवार लबश्री न्यौपाने र उप प्रमुखका उम्मेदवार बालकुमारी कार्की थापा लगाएत रामपुरमा काँग्रेसको फराकिलो मतान्तरले विजय हुने निश्चित देखेपछि एमाले कार्यकर्ताहरु अताल्लिएका छन् । निर्वाचनका लागि स्वच्छ प्रचार प्रसार कार्यको विरोध गर्नु र सांघातिक हमला गर्नुले एमालेको चरित्र उदाङ्गो भएको काँग्रेस नेतृ कुमारी हायुले वताइन ।
क्याटेगोरी : राजनीति, समाचार
थप समाचार
ताजा अपडेट
- १ एमाले बागमती प्रदेश अध्यक्षमा ढुङ्गेल सहित पाँचजनाकाे उम्मेदवारी
- २ शिक्षक आन्दोलन फिर्ता
- ३ संविधान दिवसमा विविध कार्यक्रम
- ४ प्रेस युनियन केन्द्रमा परामर्श समिति गठन
- ५ बेवारिसे शव फेला
- ६ असाेज ३ गते देखि सडक आन्दोलनमा शिक्षक
- ७ आज देशभरका अस्पतालमा आकस्मिक बाहेकका सेवा बन्द
- ८ अनेरास्ववियु रामेछापको अध्यक्षमा भट्टराई
प्रतिक्रिया दिनुहोस