हेटौंडा । वाग्मती प्रदेशका मुख्यमन्त्री राजेन्द्रकुमार पाण्डेले सोमबार प्रदेश सभाबाट विश्वासको मत प्राप्त गरेका छन् । पाण्डेले प्रदेशसभामा बाट ५९ मत प्राप्त गरेका छन् । बाग्मती प्रदेशमा सभामुख सहित १ सय ९ मत रहेको छ ।
संविधान बमोमिज सत्तामा रहनका लागि पाण्डेलाई ५५ मत आवश्यक पर्दथ्यो। पाण्डेको विपक्षमा ४३ मत परेको छ । बाग्मती प्रदेशसभामा १३ सांसद रहेको नेकपा (एकीकृत समाजवादी) संसदीय दलका नेता पाण्डेलाई माओवादी केन्द्र २३, कांग्रेस २२ र जसपाका १ सांसदले मत हालेका छन् ।
मुख्यमन्त्री पाण्डेको विपक्षमा एमालेका ४० र विवेकशील साझा पार्टीका ३ सांसदले मतदान गरेका थिए । मतविभाजन प्रक्रियामा दुई सांसद रहेको राप्रपा उपस्थित भएनन् भने नेपाल मजदुर किसान पार्टी ( नेमकिपा) तटस्थ बसेको थियो । नेमकिपासँग दुई सांसद छन् ।
प्रदेशसभामा एमालेको सभामुखसहित ४३ मत रहेपनि दुई सांसद अनुपस्थित भए । सभामुख सानुकुमार श्रेष्ठ मतविभाजन प्रक्रियामा सहभागि भएनन् । सोमबारको बैठकमा १ सय ४ जना प्रदेश सांसदको उपस्थिति थियो ।
संविधानको धारा १६८ को उपधारा २ बमोजिम कुनै पनि दलको बहुमत नरहेको अवस्थामा दुई वा दुईभन्दा बढी दलहरूको समर्थनमा मुख्यमन्त्री नियुक्त भएका मितिले एक महिनामा सदनबाट विश्वासको मत लिनुपर्ने प्रावधान अनुसार पाण्डेले सोमबार विश्वासको मत लिएका हुन् ।
क्याटेगोरी : राजनीति, समाचार
थप समाचार
ताजा अपडेट
- १ जिल्ला अस्पताल रामेछापमा एकै दिन १ सय ४५ ले लिए विशेषज्ञ सेवा
- २ विधि प्रकृया र प्रचलित कानुन बमोजिम काम गर्छाै : प्रजिअ पाैडेल
- ३ प्याब्सन रामेछापको अध्यक्षमा पुनः तिमल्सिना
- ४ रुद्राक्ष समाजद्वारा शैक्षिक सामग्री वितरण
- ५ लोकतान्त्रिक खेलकुद संघ रामेछापकाे अध्यक्षमा पाैडेल
- ६ टिफरबाट खसेर घाइते युवककाे मृत्यु
- ७ मानवीय रिपोर्टिङ सम्बन्धि तालिम
- ८ स्वर्गीय राजनारायणकाे स्मरणमा स्मृति ग्रन्थ
प्रतिक्रिया दिनुहोस