कांग्रेस बागमती प्रदेशकाे निर्वाचन युवा परिचालन समिति गठन

काेसिस न्यूज ६ महिना अगाडि ६ महिना अगाडि

रामेछाप — नेपाली कांग्रेस बागमती प्रदेश कार्यसमितिले आगामी प्रतिनिधिसभा सदस्य निर्वाचन–२०८२ लाई लक्षित गर्दै बागमती प्रदेश युवा तथा स्वयंसेवक परिचालन समिति गठन गरेको छ।

प्रदेश कार्यसमितिको माघ १५ गतेको बैठकलले समितिका सदस्य प्रज्वल दवाडीलाइ संयोजकको जिम्मेवारी प्रदान गरिएको हो । निर्वाचनमा पार्टीका उम्मेदवारलाई विजयी गराउन सक्रिय भूमिका निर्वाह गर्न समितिलाई जिम्मेवारी दिइएको जनाएको छ।

बागमती प्रदेशका १३ जिल्ला तथा ३३ वटै निर्वाचन क्षेत्रमा तोकिएका प्रदेश प्रतिनिधि, केन्द्रीय प्रतिनिधि, जिल्ला र क्षेत्रीय सभापतिसँग समन्वय गर्दै निर्वाचन परिचालन तथा प्रचार–प्रसार अभियान सञ्चालन गर्न निर्देशन दिइएको छ। साथै, पार्टीका उम्मेदवारलाई जिताउन आवश्यक सम्पूर्ण भूमिका निर्वाह गर्न समितिलाई आग्रह गरिएको छ। समितिले पार्टीको विधान, नियमावली, आदर्श, मूल्य र मान्यताअनुसार काम गर्ने विश्वास व्यक्त गरेको छ।

क्याटेगोरी : राजनीति, समाचार