बारा २ मा उपेन्द्र यादव विजयी

काेसिस न्यूज ३ वर्ष अगाडि ३ वर्ष अगाडि

बारा- बारा जिल्लाकाे निर्वाचन क्षेत्र नम्बर २ मा जनता समाजवादी पार्टीका अध्यक्ष उपेन्द्र यादव निर्वााचित भएका छन । निकटतम प्रतिद्वन्द्वी शिवचन्द्र कुशवाहालाई ५ हजार ८१ मतले पछि पार्दै यादव विजयी भएका हुन ।

यादवले २८ हजार ४ सय १५ मत प्राप्त गरेका छन् भने कुशवाहाले २३ हजार ३ सय ३४ मत प्राप्त गरेकाे जिल्ला निर्वाचन कार्यालय बाराका प्रमुख सरोजकुमार चौधरीले जानकारी दिए ।

त्यसैगरी एमालेका उम्मेदवार पुरुषोत्तम पौडेलले १० हजार २ सय १६ मत प्राप्त गरेका छन् । पूर्वडी आईजीसमेत रहेका राष्ट्रिय स्वतन्त्र पार्टीका उम्मेदवार रमेश खरेलले २ हजार ८ सय २९ मत मात्र प्राप्त गरेका छन् । त्यस्तै आम जनता पार्टीका उम्मेदवार अरुणकुमार ज्ञवालीले २ हजार ७ सय ३८ मत प्राप्त गरेका छन् ।

क्याटेगोरी : राजनीति, समाचार