किसानलाई भैंसि सुत्केरी भत्ता

काेसिस न्यूज ४ वर्ष अगाडि ४ वर्ष अगाडि

रामेछाप – मन्थली नगरपालिका अन्तरगत १५२ जना किसानलाई भैसी सुत्केरी स्याहार प्राेत्साहन भत्ता प्रदान गरिएकाे छ ।
नगरपालिकाले चालू आर्थिक वर्षमा १७० वटा भैसिका लागि १५२ जना किसानलाई उक्त भत्ता प्रदान गरेकाे हाे ।

मन्थली नगरपालिकाकाे पशु सेवा शाखाले दुधमा आत्मानिर्भर कार्यक्रम अन्तरगत किसानलाई भैंसी सुत्केरी स्वाहार प्राेत्साहन भत्ता दिइएकाे पशु सेवा शाखाका सहायक पशु विकास अधिकृत राेहिणी चापागाईंले जानकारी दिए । किसानले दिएकाे निवेदनका आधारमा साउन ,भाद्र र असाेज महिनामा सुत्केरी भएकाे भैसिका लागि प्रत्येक भैसिकाे २५ सयका दरले प्राेत्साहन भत्ता उपलब्ध गराइएकाे चापागाईंले बताए । चापागाईंले भने सामान्यतया साउन ,भदाै र असाेजलाइ भैंसी सुत्केरी हुने सिजनकाे रुपमा लिने गरिन्छ । त्यसकारण साेही समयमा सुत्केरी हुने भैसिलाई मात्र प्राेत्साहन रकम उपलब्ध गराएकाे हाे ।

भैंसी सुत्केरी स्वाहार प्राेत्साहन भत्ता पाएका मन्थली १ की चिज कुमारी भुजेलले भैंसि पाल्ने किसानलाई यसरी नगरले प्राेत्साहन गरेकाेमा खुुसि व्यक्त गरिन । उनकाे घरमा बर्सेनि २-३ वटा भैंसी सुत्केरी हुने गरेकाे बताइन ।

त्यस्तै अर्का मन्थली ७ का किसान कृष्ण बहादुर कार्कीले पनि नगरले संचालन गरेकाे किसान प्राेत्साहन कार्यक्रम प्रसंसा याेग्य भएकाे बताए । उनले भने यसरी नगरले सहयाेग गरेकाे रकमले थाेरै भएपनि भैंसी बिरामी हुदा ओैषधि किन्न , प्राविधिक बाेलाउन , दाना किन्न समेत सहयाेग पुगेकाे बताए ।

त्यसैगरी यसरी सिजनमा मात्र हुने सुत्केरी भैंसीलाई मात्र कार्यक्रमले समेट्दा अधिकांश किसान छुट्न पुगेकाले किसानहरुले गुनासाे गरेका छन् । सबै किसानलाई समेट्न सकिने गरि कार्यक्रम ल्याउन किसानहरुले माग गरेकाे छन्

क्याटेगोरी : अर्थ, समाचार