पुस २६ गते प्रधानमन्त्रीले विस्वासकाे मत लिने

काेसिस न्यूज ४ वर्ष अगाडि ४ वर्ष अगाडि

काठमाडौ – प्रधानमन्त्री पुष्पकमल दाहालले (प्रचण्ड) ले प्रतिनिधि सभामा पुस २६ गते विस्वासकाे मत लिने भएका छन् ।

प्रधानमन्त्री दाहालले साेमवार सङ्घीय संसद्का महासचिवलाई पत्र मार्फत २६ गते विश्वासको मत लिने व्यवस्था मिलाइदिन आग्रह गरेका छन् । प्रधानमन्त्रीले प्रतिनिधि सभाको विश्वासकाे मत लिनुपर्ने संवैधानिक प्रावधानअनुसार दाहालले विश्वासको मत लिन लागेका हुन।

प्रतिनिधि सभाका २ सय ७५ सदस्य मध्ये प्रधानमन्त्री बन्नका लागि १ सय ३८ सांसदको समर्थन लिनुपर्न हुन्छ ।
प्रतिनिधि सभाबाट विश्वासको मत पाप्त भएपछि मात्र मन्त्रिपरिषद् विस्तार गर्ने बताएका छन् ।

प्रतिनिधि सभाको पहिलो बैठक यही पुष २५ गते बस्दै छ । यसअघि नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी, जनमत पार्टी, नागरिक उन्मुक्ति पार्टी र केही स्वतन्त्र सांसदको समर्थनमा माओवादी केन्द्रका अध्यक्ष (प्रचण्ड) पुस १० गते प्रधानमन्त्रीमा नियुक्त भएका थिए ।

क्याटेगोरी : राजनीति, समाचार