मन्थली नगरपालिका: जेष्ठमसान्त भित्र बालमैत्री नगर घाेषणा हुँदै
रामेछाप – मन्थली नगरपालिकाले यहि जेष्ठ मसान्तभित्र नगरलाई बालमैत्री नगर घाेषणा गर्ने तयारी गरेकाे छ । मंगलबार पत्रकारसँगकाे छलफल कार्यक्रममा नगरले बालमैत्री नगर घाेषणाका लागि आवस्यक सुचकहरु पूरा गरेकाे र घाेषणाकाे तयारी गरिएकाे जानकारी दिएकाे छ ।
बालमैत्री स्थानिय शासन कार्यन्वयन निर्देशिका २०७८ बमोजिम २०७९ पाैष १० गते मन्थली नगरपालिकाकाे १२ ओैं नगरसभाबाट निर्णय गरेर बालमैत्री नगर घाेषणाकाे पुर्व तयारीकाे काम थालनी गरिएकाे थियाे । साेही बमोजिम हाल नगरले उक्त निर्देशनमा निर्दिष्ट ५१ वटै सुचकहरु पूरा भएकाे जनाएकाे छ ।
छलफल कार्यक्रममा मन्थली नगरपालिकाका प्रमुख लब श्रेष्ठले राष्ट्र समग्र विकासकाे पहिलाे खुड्किला नै बालमैत्री भएकाे बताउदै उनले भने अन्य विकासका लागि पनि हामी हाम्राे नगर बालमैत्री बनाउन पर्ने र त्यसाे भएमा , शिक्षा , स्वास्थ्य ,पाेषण, पर्यटन सबै क्षेत्रकाे विकासमा सहयाेग पुग्ने बताए । नगरपालिकाकाे सबै वडाहरु बालमैत्री घाेषणा गर्नका लागि सबै सुचकहरु पूरा गरेर तयारी अवस्थामा भएकाले घाेषणाकाे तयारीमा नगरपालिका जुटेकाे नगर प्रमुख श्रेष्ठले बताए ।
बालमैत्री नगर घाेषणाका लागि पूरा गर्न पर्नु सुचकहरुका सन्दर्भमा नगरपालिका गरेका गतिविधि तथा अवस्थाका बारेमा नगरका सुचना अधिकारी हेमन्त बुढाथोकीले जानकारी गराएका थिए । उनका अनुसार नगरले बालमैत्री स्थानिय शासन न्युनतम सुचकहरुमा बाल बचाउ अन्तर्गत १४ वटा, वाद संरक्षणमा १० वटा,बाल विकासमा ६ वटा, बाल सहभागीताका लागि ६ वटा र संसथागत विकास तर्फ १५ वटा गरि ५१ वटा सुचकहरु पूरा गरेकाे बुढाथोकीले जानकारी दिए ।
त्यसैगरि बालमैत्री नगर घाेषणाका लागि पुर्व तयारी चरण , तयारी चरण ,नीति तथा याेजना तर्जसमा तथा कार्यन्वयनकाे चरण पूरा भएकाे छ भने अब अनुगमन ,मुल्यांकन र प्रतिवेदनकाे चरण र बालमैत्री वडा ,नगर घाेषणा तथा दिगाेपनकाे चरण बाकी रहेकाे जनाइएकाे छ ।
बालमैत्री नगर घाेषणा पछिकाे दिगाेपनाका लागि कार्यक्रममा सहभागी पत्रकारहरुले कार्यक्रम घाेषणामा मात्र सिमित हुन नदिन सचेत गराएका छन् । त्यस्तै नगरका सबै नागरिक तथा सबै पक्ष बालमैत्री व्यवहार तथा व्यवस्थापनमा सचेत हुनुपर्ने बताएका छन् त्यसका लागि नागरिक स्तरमा समेत सचेतनाकाे कार्यक्रममा जाेड दिन नगरलाई आग्रह गरे ।
क्याटेगोरी : शिक्षा, समाचार, समाज
थप समाचार
ताजा अपडेट
- १ कांग्रेसको क्रियाशील सदस्यता अद्यावधिक अभियान सुरु
- २ बाम्तीभण्डारमा बजार अनुगमन, दर्ता–नविकरण नगरेकालाई एक साताको अल्टिमेटम
- ३ मन्थली नगरपालिका उत्कृष्ट नगरका रुपमा सम्मानित
- ४ शिक्षाविद् तथा भाषासेवी विष्णु चित्रकारको हृदयघातबाट निधन
- ५ गुनासो रहित सेवा प्रवाह नै मुख्य उद्देश्य : सहायक प्रमुख जिल्ला अधिकारी केसी
- ६ रामेछाप उद्योग वाणिज्य संघकाे अध्यक्षमा प्रकाश कुमार श्रेष्ठ विजयी
- ७ आयुर्वेद सेवामा आकर्षण बढ्दै, स्थानीय तहसम्म विस्तारको प्रयास
- ८ पत्रकार महासंघकाे स्थापना दिवसमा रामेछापमा विविध कार्यक्रम
धेरै पढिएका
प्रतिक्रिया दिनुहोस