सार्वजनिक यातयातलाई गृह मन्त्रालयको निर्देश

काेसिस न्यूज २ वर्ष अगाडि २ वर्ष अगाडि

गृह मन्त्रालयले सार्वजनिक यातायातलाई सुरक्षित र भरपर्दो बनाउन निर्देशन दिएको छ । मन्त्रालयले बुधबार यातायात व्यवसायी राष्ट्रिय महासङ्घलाई पत्र लेख्दै निर्देशन दिएको हो ।

पत्र मार्फत गृह मन्त्रालयले यातायात व्यवसायीलाई यात्रुहरुको टिकट काटेरमात्र यात्रा गराउने, अनलाइन टिकट प्रणालीको विकास गर्ने तथा यात्रुको पहिचान खुल्ने कागजात लिएर मात्र यात्रा गराउने, सवारी साधनमा जीपीएस ट्याकिङ प्रणाली जडान गर्ने, सवारीमा सीसीटीभी र ट्रान्सपोण्डरको व्यवस्था गर्ने लगायतका निर्देशन दिएको छ ।

त्यसैरी लामो दुरीमा चल्ने सवारीमा कम्तीमा अनिवार्य दुई जना सवारी चालक हुनुपर्ने, मुलुकभर चल्ने सवारी साधनको तेस्रो पक्ष बीमा अनिवार्य गर्नुपर्ने , सवारी साधनको नियमित मर्मतसम्भार गर्नुपर्ने तथा पुराना यातायातको साधान हटाउन पर्ने पत्रमा उल्लेख छ ।

क्याटेगोरी : समाचार