मिटरब्याज सम्बन्धी विधेयक राष्ट्रपतिद्वारा प्रमाणीकरण

काेसिस न्यूज साउन १३, २०८० ११:०० am

काठमाडौं – अनुचित लेनदेन (मिटरब्याज) सम्बन्धि विधेयक राष्ट्रपति रामचन्द्र पौडेलद्वारा प्रमाणीकरण भएको छ ।
शुक्रबार राष्ट्रपति पौडेलले नेपालको संविधानको धारा ११३ को उपधारा २ बमोजिम उक्त विधेयक प्रमाणीकरण गरेका हुन् ।

दुवै सदनबाट पास भई प्रमाणीकरणका लागि शीतलनिवास पुगेको विधेयक शुक्रबार राष्ट्रपति पौडेलले प्रमाणीकरण गरेको राष्ट्रपति कार्यालयकी प्रवक्ता शैलजा रेग्मी भट्टराईले जानकारी दिइन् । राष्ट्रपतिले प्रमाणीकरण गरेपछि विधेयकले कानुनको रुप लिएको छ ।

राष्ट्रिय सभामा यहि असार ५ गते दर्ता भएको यो विधेयक असार १५ गते पारित भएर राष्ट्रिय सभामा गएको थियो ।यसैगरी असार ३१ गते प्रतिनिधिसभाले संशोधन सहित पारित गरेको थियाे । साेही विधेयकलाई साउनमा १० गते राष्ट्रिय सभाले सर्वसम्मत रुपमा स्वीकार गरेको थियो ।

अनुचित लेनदेन (मिटरब्याज) सम्बन्धी ‘मुलुकी संहिता सम्बन्धी केही नेपाल ऐनलाई संशोधन गर्ने विधेयक, २०८०’
मिटरब्याज पीडितको समस्यालाई सम्बोधन गरी पीडकलाई कारबाही गर्ने प्रयोजनका लागि ल्याइएको हो ।

क्याटेगोरी : अर्थ, समाचार