बहुबिबाह सम्बन्धि कानून संशाेधनको बिरोधमा रामेछापका महिला

काेसिस न्यूज १० महिना अगाडि १० महिना अगाडि

रामेछाप – सरकारले बिद्यमान् कानून संसोधन गरेर बहुबिबाहलाई कानूनी रुपमा नै बैद्यता दिन लागेको भन्दै रामेछापका महिलाहरुले बहुबिबाह सम्बन्धि कानून संसोधनको बिरोध गरेका छन् ।

बिद्यमान कानून संसोधनले महिला माथि उत्पिडन थप्ने भन्दै रामेछाप जिल्लाका महिलाहरुले बहुबिबाह जस्तो जघन्य अपराधलाई सरकारले कानूनी रुपमा नै बैधानिकता दिन लागेकाले रामेछापका प्रमुख जिल्ला अधिकारी मार्फत कानून संसोधन नगर्न सरकारको ध्यानाकर्षण गराएका हुन् ।

नेपाल महिला संघ र अखिल नेपाल महिला संघमा आवद्ध महिलाहरुले प्रमुख जिल्ला अधिकारी श्यामकृष्ण थापालाई भेटेर ज्ञापन पत्र बुझाउँदै कानून संसोधनको बिरोध गरेका छन् ।

नेपाल महिला संघ रामेछापकी कार्यवाहक अध्यक्ष कबिता घिमिरे ( ढुंगेल ) र अखिल नेपाल महिला संघकी अध्यक्ष शान्ता सुवेदीले संयुक्त रुपमा हस्ताक्षर गरेर प्रमुख जिल्ला अधिकारी मार्फत सरकारलाई कानून संसोधन नगर्न ज्ञापन पत्र बुझाउनु भएको हो ।

क्याटेगोरी : समाचार