विकासको गतिरोध चिर्न अध्यादेश ल्याएको हो : पर्यटन मन्त्री पाण्डे

काेसिस न्यूज २ वर्ष अगाडि २ वर्ष अगाडि

संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले विकास निर्माणमा भएको गतिरोध चिर्न अध्यादेश ल्याएको बताए ।

छोटो छोटो समयमा हुने सरकार परिवर्तनले नेपालको विकासलाई खण्डित गरेका कारण दुई ठूला दल मिलेर सरकार निर्माण गरेको बताउदै विकासको गतिरोध चिर्न अध्यादेश ल्याएको बताए । मन्त्री पाण्डेले बुढी गण्डकी जलविद्युत् आयोजनाले डुबानमा पर्ने नरसिंह धामको संरक्षणको बारे आयोजित कार्यक्रममा बोल्दै उक्त कुरा बताएका हुन ।

सरकारले उच्च महत्व दिएकाे जलविद्युत आयोजना मध्य बुढी गण्डकी एक भएकाले आयोजना सफल हुने उनकाे भनाइ थियो । नरसिंह धामको संरक्षणको लागि एक अर्व ५० करोडको लागतमा धाम क्षेत्रलाई सिसा भित्र राख्ने योजना आगाडी सारिएको थियोे । मन्त्री पाण्डेले यो योजना नेपालको लागि नयाँ भएकोले बिस्तृत अध्ययन पछि मात्र टुंगो लागाउने बताए ।

क्याटेगोरी : समाचार