दाेरम्बा शैलुङ्मकाे लेखर्कमा गएकाे पहिराेमा परि २ काे मृत्यु ८ बेपत्ता

काेसिस न्यूज २ वर्ष अगाडि २ वर्ष अगाडि

रामेछाप – रामेछापको दोरम्बा शैलुङ् गाउँपालिका वडा नं ३ लेखर्कमा गएकाे पहिराेमा परि २ जनाकाे मृत्यु भएकाे छ भने ८ जना बेपत्ता भएका छन् । गएराति गएकाे पहिराेले ३ घर बगाएकाे छ भने एक घर पुरिएकाे छ ।

गएराति परेकाे वर्षाका कारण आधारातमा लेखर्क गाउँमा आएकाे पहिरोमा परि २ जनाकाे मृत्यु भएकाे ,एक जना घाइते र ८ जना बेपत्ता भएकाे दाेरम्बा शैलुङ् गाउपालिकाकी उपाध्यक्ष खमला थापामगर जानकारी दिएकी छिन् । उनले भनिन् “पहिराेले कति क्षेति पुगेकाेछ भन्ने बिषयमा एकिन जानकारी आउन सकेकाे छैन र बेपत्ताहरुकाे खाेजी भइरहेको छ ।”

त्यसैगरी पहिराले पालिकाकाे २ र ३ वडा जोड्ने ढाेईखोलाको पक्की पुल पनि बगाएकाे छ । यतिबेला जिल्ला प्रहरी कार्यालय रामेछापकाे प्रहरी टोली घटनास्थल पुगि सकेकाे छ भने प्रहरी र स्थानियहरुले उद्दार तथा खाेजी कार्य गरिरहेकाे छ ।