रामेछाप – दुधमा आवश्यक गुणस्तरको मात्रा नपुगेको पाइएपछि रामेछापको मन्थलीमा संचालनमा रहेका सबै डेरी लाई जरिवाना गरीएको छ । हाल सम्म मन्थलीका डेरी जरिवानामा परेका थिएनन् । डेरीले मनोमानी गरेको व्यापक गुनासोका आधारमा स्थानीय प्रशासनले शुक्रबार अनुगमन गर्दा डेरीले बजारमा पठाउने दुध गुणस्तरयुक्त नभएको पाइएको थियो ।
जिल्ला प्रशासन कार्यालय रामेछापले मन्थलीमा रहेका अमृत डेरी, रामेछाप डेरी र चरञ्जिवी डेरीबाट उपभोक्तालाई विक्रीका लागि तयार पारिएको दुध शुक्रबार आकस्मिक रुपमा परिक्षण गराएको हाे । परिक्षणमा दुधमा न्यूनतम हुनु पर्ने फ्याट र सिएन एफ नभेटिएपछि मन्थलीमा संचालित तीन वटै डेरी कारवाहि परेकाे छ ।
निमित्त प्रमुख जिल्ला अधिकारी अनोजकुमार घिमिरेका अनुसार उपभोक्ताको गुनासोको आधारमा पहिलो पटक मन्थलीका डेरी बाट विक्रीका लागि तयार भएको दुध परिक्षण गरीएको हो । परिक्षणमा न्यून गुणस्तरको दुध फेला परेकाले पहिलो पटक प्रत्येक डेरीलाई १५ हजारका दरले जरिवाना गरीएको हो । यस पछि पनि गुणस्तरको बारेमा गुनासो आएमा कडा कारवाहि गर्ने चेतावनि पनि प्रशासनले दिएको घिमिरेले वताए ।
रामेछापमा रहेका डेरीले केहि दिन अघी उपभोक्ताको हित प्रतिकुल हुने गरी दुध दहि, ध्यू को मूल्य वृद्धि गरेका थिए । उक्त मूल्य प्रति उपभोक्ताको गुनासो स्थानीय प्रशासनमा पुगेपछि सर्व पक्षिय भेला वसेर मूल्यमा पुनारावलोकन गरिएको थियो । डेरीले गाईको दुध प्रति लिटर १ सय र भैंसीको दुध प्रति लिटर १ सय २० रुपैया निर्धारण गरेका थिए ।
निमित्त प्रजिअको संयोजकत्वमा वसेको बैठकले गाईको दुधको मूल्यमा ५ रुपैया घटाउने निर्णय गरेको थियो । तर उपभोक्ताले भने उक्त मूल्य पनि अधिक रहेको गुनासो गर्दै आएका छन् । यस अघी गाईको दुध प्रति लिटर ८० रुपैया थियो । डेरीले किसानबाट प्रति लिटर ७४ रुपैयामा गाईको दुध खरिद गर्ने गरेका छन् । दुध विक्री गर्दा अधिक मूल्य तोकेपनि किसानले पाउने मूल्यमा वृद्धि नगरेकाले डेरी प्रति दुध विक्रेता किसान समेत रुष्ट रहेका छन् ।
क्याटेगोरी : समाचार
थप समाचार
ताजा अपडेट
- १ महासंघ रामेछापको बार्षिक साधारण सभा
- २ नेपाल पत्रकार महासंघ प्रतिष्ठान प्रदेश समिति सर्वसहमतिमा चयन
- ३ धोवि बाट दुई दिन देखि वृद्ध बेपत्ता
- ४ यातायात समितिद्वारा मृतकका परिवारलाई रकम हस्तान्तरण
- ५ मध्यरातमा मन्त्री पाण्डेद्वारा विमानस्थल अवलाेन
- ६ बिजुली बत्ति बाल्नबाट काेही नागरिक बन्चित हुनु पर्दैन: राज्यमन्त्री तामाङ
- ७ फर्पु सुमाे दुर्घटना :अपडेट
- ८ रामेछापको फर्पुमा सुमाे दुर्घटना हुदा वडा अध्यक्ष सहित ५ जनाकाे मृत्यु
प्रतिक्रिया दिनुहोस