• काेसिस न्यूज
  • होलीको रमाईलो सगैं चुनाव प्रचारमा महिला व्यवसायी


    रामेछाप । रङ्गको पर्व होलिका दिन रामेछापका महिला व्यवसायीहरु एक अर्कामा होलिको शुभकामना दिदै रामेछाप उद्योग वाणिज्य संघको चुनाव प्रचारमा जुटेका छन् ।
    रामेछाप उद्योग वाणिज्य संघको फागुन २७ गते हुने निर्वाचनमा महिला सदस्य पदमा प्रत्यासी जया सुवेदीको नेतृत्वमा महिला व्यवसायीहरुले मन्थली बजारमा प्रचार अभियानलाई पनि तिव्र पारेका छन् । होलीको शुभकामना दिदै महिलाहरुले नविन कुमार थापामगरको प्यानललाई मतदानका लागि मतदाता व्यवसायीहरुमा अनुरोध गर्दैछन् ।
    महिला दिदीबहिनीहरुले होलीको रमाईलो सगैं रामेछाप उद्योग वाणिज्य संघको आसन्न निर्वाचनमा नविनकुमार थापामगरको संयुक्त व्यवसायिक प्यानललाई मत दिन आग्रह गरेको मन्थलीकी एक व्यवसायीले भनिन् । चुनाव प्रचारकै क्रममा सोमबार थापामगर सहितका अधिकांश उम्मेदवार भने धोवि, सिरीसे, ढाँडे, प्रिती, वाम्ती, देउराली चुचुरेका व्यवसायीलाई भेटघाट गर्न त्यस तर्फ लागेका छन् ।
    निर्वाचन नजिकिदै जादा थापामगरको प्यानलले विभिन्न वजार केन्द्रमा प्रचार अभियानलाई तिव्रता दिएको छ । संघको नयाँ कार्यसमितिका १४ पदमा २८ जना उम्मेदवार दुई प्यानल वनाएर चुनावी प्रतिस्पर्धामा छन् । संघका कुल १ हजार ३ सय ८७ मतदाता रहेका छन् ।


    क्याटेगोरी : समाचार

    प्रतिक्रिया दिनुहोस