त्रिभुवन अन्तर्राष्ट्रिय विमानस्थलका महाप्रबन्धक ठाकुर निलम्बित

काेसिस न्यूज ३ वर्ष अगाडि ३ वर्ष अगाडि

काठमाडौ – त्रिभुवन अन्तर्राष्ट्रिय विमानस्थलका महाप्रबन्धक प्रेमनाथ ठाकुर निलम्बित भएका छन् । थाई स्माइल एयरलाइन्सका प्रतिनिधिसँग गैरकानुनी लाभ लिएकाे आधारमाठाकुरलाइ निलम्बन गरिएकाे हाे ।

संस्कृति, पर्यटन तथा नागरिक उड्डयन मन्त्रालयकाले एक विज्ञप्ति जारी गर्दै ठाकुरले थाई स्माइल एयरलाइन्सका प्रतिनिधिसँग गैरकानुनी लाभ लिने उद्देश्यले गरेको कुराकानीको श्रव्य सामग्री प्राप्त भएको उल्लेख गरेकाे छ ।

सो विषयमा जाँचबुझ गर्ने क्रममा महाप्रबन्धकलाई पदबाट निलम्बन गर्न लेखी पठाइएको विज्ञप्तिमा उल्लेख छ ।

त्यसैगरी विज्ञप्ति मार्फत उक्त विषयमा थप अनुसन्धानका लागि अख्तियार दुरुपयोग अनुसन्धान आयोगलाइ समेत आग्रह गरिएकाे मन्त्रालयका प्रवक्ता राजेन्द्र कुमार केसिले जानकारी दिएका छन् ।

महाप्रबन्धक ठाकुर दुई वर्षदेखि विमानस्थलको प्रमुखका रुपमा कार्यरत थिए ।

क्याटेगोरी : समाचार