मतदान गरी फर्कदा कुटपिट

काेसिस न्यूज ४ वर्ष अगाडि ४ वर्ष अगाडि

रामेछाप – रामेछाप ८ को शारदा संस्कृत माविबाट मतदान गरी घर फर्कदै गरेका मतदातालाई स्थानीय डुम्रिखर्कमा बाटो छेकेर बसेकाले कुटपिट गर्दा ३ जना घाईते भएका छन् ।
जिल्ला प्रहरी कार्यालय रामेछापका अनुसार कुटपिटबाट स्थानीय ३९ बर्षिय देविलाल सुवेदी, २१ बर्षिय गोविन्द सुवेदी र दिलनाथ सुवेदी घाईते भएका छन् । घाईते मध्ये देविलाल सुवेदीको अवस्था गम्भिर छ । उनलाई तत्काल रामेछाप अस्पताल पु¥याइएकोमा थप उपचारका लागि ट्रमा सेन्टर काठमाण्डौं रेफर गरीएको छ । आफन्तहरुले विरामीको अवस्था गम्भिर भएकोले हेलिकप्टर माग गरिरहेका छन् । तर हेलिकप्टर आउने टुंगो भइसकेको छैन ।
प्रमुख जिल्ला अधिकारी शोभाखर रेग्मीले घटना पछि कुटपिटमा सम्लग्नको खोजि भइरहेको र विरामीको उपचारका लागि काठमाण्डौं पठाउने प्रयास भइरहेको वताएका छन् ।
मतदान सकेर डुम्रिबोट फर्कदै गरेका ३ जना स्थानीय सल्ले नजिक पुगेपछि भोज खाएर वसेकाले कुटपिट गरेका थिए । कुटपिटमा सम्लग्न कार्यकर्ता एमालेका भएको स्थानीयले जनाएका छन् । घटना पछि उनिहरु फरार छन् ।

क्याटेगोरी : समाचार