स्थानीय तहको चुनाव गर्न ५ अर्व ४ करोड खर्च

काेसिस न्यूज ४ वर्ष अगाडि ४ वर्ष अगाडि

काठमाडौँ । निर्वाचन आयोगले स्थानीय तह निर्वाचन २०७९ मा ५ अर्ब ४ करोड ३ लाख ९२ हजार ८६७ रुपैयाँ खर्च भएको जनाएको छ ।
विगतका अन्य निर्वाचन भन्दा २०७९ को स्थानीय तहको निर्वाचन मितव्ययी भएको आयोगको दावि छ । आयोगले मंगलबार निर्वाचनको परिणाम र खर्च सार्वजनिक गर्दै गत वैशाख ३० मा भएको निर्वाचनका लागि आयोगलाई सरकारले ८ अर्ब ११ करोड रुपैयाँ उपलव्ध गराएकोमा आयोगले खर्च गरेर बाँकी रहेको ३ अर्ब ६ लाख ८६ करोड रुपैयाँ राज्य कोषमा फिर्ता गरेको जनाएको छ ।
आयोगका प्रवक्ता शालिग्राम शर्मा पौडेलका अनुसार सचिवालयमा १ अर्ब २ करोड ६३ लाख १२ हजार १२९ रुपैयाँ, मुख्य निर्वाचन अधिकृत र निर्वाचन अधिकृतको कार्यालयमा ३ अर्ब ५४ करोड, जिल्ला निर्वाचन कार्यालयहरूमा ४१ करोड ३३ लाख र मतपेटिका ढुवानीमा ४ करोड ५० लाख रुपैयाँ खर्च भएको थियो ।

क्याटेगोरी : समाचार