रामेछाप । पुष्पलाल मार्गमा पर्ने तिल्पुङ र कठजोर खोला नजिक बान्द्रे भिरमा पहिरो झरेकोले सोमबार साँझ देखि मन्थली – सडक खण्ड अवरुद्ध भएको छ ।
बान्द्रेमा आईतवार पनि पहिरो झरेको थियो । मन्थली नगरपालिकाले पहिरो सफा गरेर साँझ अवेर आवागमन खुलाएको थियो ।
तिल्पुङ छहरा नजिक गत बर्ष झरेकै स्थानमा सोमबार पहिरीएको पूर्व वडा अध्यक्ष सुवास बोहोराले वताए । उक्त स्थानमा खिम्ती –ढल्केबर २२० केभि प्रशारण लाईनको पोल रहेको छ । पहिरोले उक्त पोल जोखिममा परेको उनले वताए । प्रशारण लाईनबाट हाल माथिल्लो तामाकोशी जलविद्युत आयोजना लगाएतको उत्पादन ढल्केबर सव–स्टेशनमा पठाइने गरीएको छ । गत बर्षनै उक्त पोल जोखिममा परेपछि प्लाष्टिक ओडाएर जोगाईएको थियो । अर्बौको विजुली आपूर्ति गर्ने प्रशारण लाईन जोखिममा पर्दा नेपाल विद्युत प्राधिकरणले हिउदभर संरक्षणको कुनै काम गरेन ।
पहिरो पन्छाउनका लागि लगातार पानी परीरहेको र झर्ने क्रम जारी भएकाले कठिनाई छ । बान्द्रे नजिक माथि देखिनै पहिरो वग्ने क्रम निरन्तर चलेको छ । रोकिएका साधनलाई गन्तव्य तर्फ पठाउनका लागि सडक खोल्न सक्यो भने मात्र नत्र अहिलै पुरै पन्छाउनका लागि असम्भव जस्तै रहेको स्थानीय दिलवहादुर श्रेष्ठले वताएका छन् ।
क्याटेगोरी : समाचार
थप समाचार
ताजा अपडेट
प्रतिक्रिया दिनुहोस