रामेछाप । विद्युत सेवा पटक पटक अवरुद्ध हुन थालेपछि रामेछापका ग्राहकले विहिबार नेपाल विद्युत प्राधिकरणको रामेछाप वितरण केन्द्र घेराउ गरेका छन् ।
नियमित विद्युत माग गर्दै स्थानीय समाजसेवि, संचारकर्मी र पेशा व्यवसायीले प्राधिकरण पुगेर कार्यालय प्रमुख लगाएतका कर्मचारी घेराउ गरेका थिए । रामेछापमा महिनौ देखि विद्युत सेवा अनियमित हुदै आएको छ । विद्युत पटक पटक जाने आउने गर्दा अस्पताल, संचार माध्यम, पेशा व्यवसाय र सरकारी कार्यालयले सम्पादन गर्ने सेवा समेत प्रभावित हुन थालेका छन् । अत्याधिक गर्मी हुने मन्थलीमा विद्युत जादा जनजिवन समेत कष्टकर बन्न थालेको छ ।
सिन्धुली र दोलखा तर्फबाट ल्याइएका ३३ केभि प्रशारण लाईन दुवै भरपर्दा नभएकाले विद्युत जाने आउने भइरहेको नेपाल विद्युत प्राधिकरणका रामेछाप वितरण केन्द्र प्रमुख कृष्णहरी दाहालले वताएका छन् । दाहालका अनुसार बर्षायाममा दोलखा तर्फको लाईन अझ बढी अवरुद्ध हुने गरेकोले हाल सिन्धुली तर्फको विद्युत वितरणका लागि व्यवस्था मिलाइएको छ ।
रामेछाप वितरण केन्द्रको मन्थली सव स्टेशन मार्फत ३ वटा फिडरबाट विद्युत सप्लाई हुने गरेको छ । सो सव स्टेशनबाट ओखलढुंगा लगाएतका क्षेत्रमा विद्युत दिने गरीएकाले वितरण लाईन समेत विद्युत अवरोधको कारक वनेको दाहालले वताए । साँघुटार, दोरम्बा, राकाथुम र वाम्तीमा निर्माणाधिन सव –स्टशेसन हरु बषौृ सम्म अवरुद्ध भएकाले पनि मन्थली वितरण केन्द्रमा बढी लोड भएर विद्युत जाने समस्या बढेको छ ।
क्याटेगोरी : समाचार
थप समाचार
ताजा अपडेट
- १ महासंघ रामेछापको बार्षिक साधारण सभा
- २ नेपाल पत्रकार महासंघ प्रतिष्ठान प्रदेश समिति सर्वसहमतिमा चयन
- ३ धोवि बाट दुई दिन देखि वृद्ध बेपत्ता
- ४ यातायात समितिद्वारा मृतकका परिवारलाई रकम हस्तान्तरण
- ५ मध्यरातमा मन्त्री पाण्डेद्वारा विमानस्थल अवलाेन
- ६ बिजुली बत्ति बाल्नबाट काेही नागरिक बन्चित हुनु पर्दैन: राज्यमन्त्री तामाङ
- ७ फर्पु सुमाे दुर्घटना :अपडेट
- ८ रामेछापको फर्पुमा सुमाे दुर्घटना हुदा वडा अध्यक्ष सहित ५ जनाकाे मृत्यु
प्रतिक्रिया दिनुहोस