ईन्दिरा बोहोरा ।
रामेछाप । असार १५ दहि चिउरा खाने दिन तथा धान दिवसका अवसरमा रामेछापका विभिन्न स्थानमा रोपाई गरेर दहि चिउरा खाने कार्यक्रम आयोजना भएका छन् ।
खांडादेवि गाउँपालिकाको माढिमुहानमा कृषि ज्ञान केन्द्रले आयोजना गरेको कार्यक्रममा जिल्ला समन्वय समितिका उप प्रमुख प्रेमसागर थापा र गाउंपालिकाका अध्यक्ष ज्ञानकुमार श्रेष्ठ लगाएत सहभागि भएका थिए ।
यसैगरी मन्थली नगरपालिका ११ मा मन्थली नगरपालिकाले आयोजना गरेको रोपाई कार्यक्रममा नगर प्रमुख लब श्रेष्ठ लगाएतको सहभागिता रहेको थियो । जिल्ला सदरमुकाम मन्थलीको रामेछाप बहु प्राविधिक शिक्षालयले आयोजना गरेको कार्यक्रममा प्रमुख जिल्ला अधिकारी दिपककुमार पहाडि लगाएतका सहभागि भएका थिए ।
रोपाई कार्यक्रममा सहभागिले परम्परागत शैलीमा धान रोपाई गरेका थिए । सहभागिले एकअर्कामा हिलो छ्यापाछ्याप गरेर रोपाई आरम्भ गरेको खुसीयाली मनाएका थिए ।
क्याटेगोरी : समाचार
थप समाचार
ताजा अपडेट
प्रतिक्रिया दिनुहोस